गेल्या काही दिवसांपासुन राज्याच्या राजकारणात मोठ्या घडामोडी घडत असतानाच भाजप आणि इतर पक्षातील नेते वारंवांर काही ना काही गौप्यस्फोट करत असतात. अशातच शिवसेनेचे नेते आणि राज्याचे आरोग्यमंत्री तथा धाराशिवचे पालकमंत्री डॉ.तानाजी सावंत यांनी एक गौप्यस्फोट केला आहे. 2019 सालचा सत्ताबद्दल देवेंद्र फडणवीस, एकनाथ शिंदे व मी घडवून आणला असल्याचं तानाजी सांवत यांनी म्हंटलं आहे.

देशाचे पंतप्रधान नरेंद्र मोदी व केंद्रीय गृहमंत्री अमीत शहा यांच्या नेतृत्वाखाली आम्ही निवडणुका लढलो जनतेने कल ही आमच्या बाजुने दिला माञ उध्दव ठाकरे यांनी महाविकास आघाडी सरकार स्थापन केलं. ते सरकार पाडण्यासाठी देवेंद्र फडणवीस, एकनाथ शिंदे व मी आमदारांचे कॉन्सलिंग करण्यासाठी दिडशे बैठका घेतल्या असल्याचा डॉ.तानाजी सावंत यांनी सांगितलं आहे.

सावंत यांच्या या गौप्यस्फोटाने राज्यातील सत्ता बदलात माझा काही हात नसल्याचे देवेंद्र फडणवीस यांनी या आधी सांगितल होतं. पण सावंत यांनी सत्ताबदलात देवेंद्र फडणवीस यांचा हात असल्याचा सांगितल्यामुळे यापूर्वी फडणवीस यांनी केलेल्या वक्तव्यावर संशय निर्माण झाला आहे. यामुळे राजकीय वर्तुळात चर्चा रंगू लागली आहे.

त्यानंतर पुढे बोलताना तानाजी सावंत म्हणाले की, मला मंत्री पदावरून डावल्यानंतर धाराशिव जिल्हापरिषदमध्ये मी भाजप बरोबर सत्ता स्थापन करून बंड सुरू केलं. मातोश्रीवर जाऊन हे सरकार बदल केल्याशिवाय शांत राहणार नाही. परत मातोश्रीचे तोंड ही बघणार नसल्याचंही मातोश्रीवर जाऊन सांगून आल्याचं वक्तव्य तानाजी सावंत यांनी केलं आहे.

राज्याचे आरोग्यमंत्री डॉ. तानाजी सावंत यांनी शरद पवार यांच्यावर टिका केली आहे. तर उध्दव ठाकरे यांचं कौतुक केलं आहे. 2019 साली नरेंद्र मोदी व अमित शहा यांच्या नेतृत्वात भाजप सेनेला लोकांनी बहुमत दिले असतानाही आमच्या युतीत मिठाचा खडा महाराष्ट्राचे जाणते राजे या नावाने भारतभर ओळखले जाणाऱ्यांनी टाकला असल्याचं सांगत तानाजी सावंत यांनी शरद पवार यांच्यावर अप्रत्यक्षपणे टीका केली आहे.