Amit Shah Pune Visit: केंद्रीय गृहमंत्री अमित शाह पुणे दौऱ्यावर आहेत. पंतप्रधान नरेंद्र मोदी यांच्यानंतर चारच दिवसांनी अमित शाह पुण्यात आल्याने राजकीय वर्तुळात चर्चा रंगल्या आहेत.

अमित शहा हे शनिवारी रात्री पुण्यात पोचले. ते दौऱ्याअधीच पुण्यात 40 मिनिटे अधीच आल्याने गोंधळ उडाला पण शाह यांच्यासह मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि अजित पवार ही मंडळी एकाच हॉटेमध्ये दाखल झाली. 

केंद्रीय सहकार संस्था निबंधक कार्यालयाच्या संकेतस्थळाचे उद्घाटन अमित शहा यांच्या हस्ते केले जाणार आहे. त्यानंतर सायंकाळी ते दिल्लीला रवाना होतील.

या कार्यक्रमापूर्वी आणि कार्यक्रमानंतर ते राज्यातील प्रमुख नेत्यांशी; तसेच इतर घटकांशी सविस्तर चर्चा करणार आहेत. त्यासाठी इतर जाहीर कार्यक्रम टाळण्यात आल्याचेही सांगण्यात येत आहे.

चिंचवड येथे केंद्रीय सहकार संस्था निबंधक (CRCS) कार्यालयाच्या 'डिजिटल पोर्टल'चे उदघाटन अमित शाह रविवारी दुपारी बारा वाजता करणार आहेत.

देशात 1,550 हून अधिक नोंदणीकृत बहु-राज्य सहकारी संस्था आहेत. त्यांचे कामकाज सुलभ व्हावे म्हणून हे पोर्टल सुरु करण्यात आले आहे.

असं आहे अमित शहांच्या पुणे दौऱ्याचं वेळापत्रक

• केंद्रीय सहकार संस्था निबंधक (CRCS) कार्यालयाचेच्या डिजिटल पोर्टलचे करणार उदघाटन

• चिंचवड येथे रामकृष्ण मोरे सभागृहात अमित शहा यांच्या उपस्थितीत पार पडणार कार्यक्रम

• या कार्यक्रमाला मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार देखील राहणार उपस्थित

• राज्याच्या मंत्री मंडळाच्या विस्तार संदर्भात चर्चा होणार

• दुपारी 1 वाजता अमित शहा दिल्लीला जाणार