मुंबई : मागास वर्ग आयोग कुठला समाज मागास आहे यासाठीच्या सर्व्हेक्षणाचे निकष बदलणार असल्याची चर्चा आहे. यापार्श्वभूमीवर मराठा आंदोलनकर्ते मनोज जरांगे यांनी आपली भूमिका स्पष्ट केली आहे.

मागासवर्ग आयोग जर मराठा समाजावर अन्याय करणार असेल तर मग तोच निकष बाकीच्या आरक्षणाला देखील लावावा लागेल, अशी मागणी त्यांनी केली आहे. (Manoj Jarange reacts on changing a criteria of survey of Backward Classes Commission)

जरांगे म्हणाले, "मागासवर्ग आयोग जर अन्याय करणार असेल मराठा समाजावरती तर मग आम्हाला जो निकष लावलाय तोच बाकीच्या आरक्षणाला देखील लावावा लागेल. त्यांनासुद्धा मागं काढावं लागेल. म्हणजे आम्हाला एक न्याय आणि त्यांना एक न्याय असं चालणार नाही. (Latest Marathi News)

यासाठीच मी तिकडचा विषय नको म्हणत होतो. कारण आमच्या नोंदी मिळाल्या आहेत तर मग सरसकट मराठा समाजाला ओबीसीतून आरक्षण देऊन टाका. मागासवर्ग आयोग निकष बदलणार असेल तर यासाठीच हा विषय नको म्हणतोय, असा पुनरुच्चार मनोज जरांगे यांनी केला आहे. (Marathi Tajya Batmya)