सरकारचं शिष्टमंडळ आज पुन्हा एकदा जरांगे पाटील यांची भेट घेणार आहे. आरक्षणाची डेडलाईन 24 डिसेंबर की 2 जानेवारी यावर चर्चा करणार आहे. उदय सामंत, संदिपान भुमरे आणि अतुल सावे आज जरांगे पाटील यांना भेटणार आहेत.

मराठा आरक्षण आणि अंतरवाली सराटीमधील ठरलेल्या गोष्टींबाबत चर्चा करण्यासाठी आज सरकारचं शिष्टमंडळ मनोज जरांगे यांची भेट घेणार आहे. आत्तापर्यंत तीन वेळा भेट रद्द झाल्यानंतर आज हे शिष्टमंडळ आज छत्रपती संभाजीनगर शहरात पोहचणार आहे. तर आजच्या या भेटीवेळी शिष्टमंडळाकडून जरांगे यांना टाईम बॉन्ड देण्याची जाण्याची शक्यता आहे. आज मनोज जरांगे आणि सरकारचं शिष्टमंडळ यांच्यातील आजची भेट महत्त्वाची समजली जात आहे.

सरकारचं शिष्टमंडळ आज (9 नोव्हेंबर) भेटीसाठी जाणार असल्याची माहिती मुख्यमंत्री कार्यालयातून आपल्याला मिळाली असल्याचं खुद्द जरांगे यांनी बुधवारी पत्रकार परिषदेत सांगितलं होतं. जरांगेंवर उपचार सुरू असलेल्या रुग्णालयात जाऊन सरकारचं शिष्टमंडळ त्यांची भेट घेतील.

या शिष्टमंडळात जरांगे पाटील यांच्या भेटीला सरकारचे शिष्टमंडळ जाणार आहे. चार मंत्र्यांचे शिष्टमंडळ भेट घेणार आहे. या शिष्टमंडळात मंत्री उदय सामंत, शंभूराजे देसाई, धनंजय मुंडे, संदीपान भुमरे आणि अतुल सावे यांचा समावेश असण्याची शक्यता आहे.

सरकारचं शिष्टमंडळ मनोज जरांगे यांना भेटणार असल्याची मागील तीन दिवसांपासून चर्चा सुरू आहे. सुरुवातीला 6 नोव्हेंबर रोजी हे शिष्टमंडळ जरांगे यांच्या भेटीसाठी येणार होतं. त्यानंतर दुसऱ्या दिवशी म्हणजेच, 7 नोव्हेंबरला सरकारचं शिष्टमंडळ जरांगे यांच्या भेटीला येणार असल्याचे मुख्यमंत्री कार्यालयातून सांगण्यात आलं. परंतु, मुख्यमंत्री एकनाथ शिंदे श्रीनगर दौऱ्यावर असल्याने, पुन्हा एकदा हा दौरा देखील रद्द करण्यात आला.

तर, काल 8 नोव्हेंबरला हे शिष्टमंडळ मनोज जरांगेंना भेटण्यासाठी जाणार असल्याचं सांगण्यात आलं, मात्र, 8 नोव्हेंबरला देखील हे शिष्टमंडळ संभाजीनगरात पोहोचल नाही. दरम्यान आज, पुन्हा सरकारचं शिष्टमंडळ भेटण्यासाठी येणार असल्याचं सांगण्यात आलं आहे.