Maratha Reservation: मराठा आरक्षणामुळे चर्चेत असणारे मनोज जरांगे साखळी उपोषणाच्या माध्यमातून उद्यापासून (बुधवार) राज्यभर दौरे करत आहेत. मनोज जरांगे यांनी सरकारला २४ डिसेंबर मराठा आरक्षणासंदर्भात वेळ दिला आहे. मराठा समाजाने आरक्षणाला विरोध करणाऱ्यांचा डाव मोडून काढला असं मनोज जरांगे यांनी म्हटलं आहे. सर्व जिल्ह्यात नोंदी सापडत आहे. ३५ ते ४० टक्के लोकांना प्रमाणपत्र मिळालं आहे. त्यामुळे समाधान असल्याचे जरांगे यांनी सांगितले.

आरक्षणासाठी कुणी काय केलं, हे आपण २४ डिसेंबरनंतर समाजासमोर मांडणार असल्याचे मनोज जरांगे यांनी स्पष्ट केले.  सकल मराठा समाजाची मुंबईत एक बैठक झाली. या बैठकीत मनोज जरांगे यांची नेता म्हणून मराठा समाजाने निवड केली आहे.

समाजाचे सेवक म्हणून समाजाची सेवा करणार, सरसकट मराठ्यांना ओबीसीतून आरक्षण मिळत नाही तोपर्यंत आंदोलन थांबणार नाही. मराठा समाजाला ओबीसीतून आरक्षण मिळणार, ५० टक्क्याच्या आत लोकसंख्येनुसार आरक्षण मिळणार.

१९९४ ला शरद पवार यांनी ओबीस आरक्षण दिले होते. त्यांचे मित्र नरेंद्र मोदी यांना आता मराठा समाजाला आरक्षण द्यावे, असा मुद्दा देखील मुंबईतील मराठा समाजाच्या बैठकीत उपस्थित करण्यात आला. यावर मनोज जरांगे म्हणाले, ७५ वर्षात आरक्षणासाठी कुणी काय केलं हे मी २४ डिसेंबरनंतर समाजासमोर मांडणार.