पुणे : आरोग्य विज्ञान पदव्युत्तर व्यावसायिक अभ्यासक्रमांच्या शैक्षणिक वर्ष २०२१-२२ मधील प्रवेशासाठी विद्यार्थ्यांना १३ ते १७ जानेवारी दरम्यान ऑनलाइन नोंदणी प्रक्रिया (Online Registration Process) करता येणार आहे. या अंतर्गत एमडी, एमएस आणि पदविका अभ्यासक्रमासाठी (MD, MS, Diploma Syllabus) प्रवेश घेऊ इच्छिणाऱ्या विद्यार्थ्यांना नोंदणी प्रक्रियेत सहभागी होता येणार आहे. (Medical Admission Precess Updates)

राज्य सामाईक प्रवेश परीक्षा कक्षामार्फत (सीईटी सेल) ही प्रवेश प्रक्रिया राबविण्यात येत आहे. या प्रवेश प्रक्रियेचे सविस्तर वेळापत्रक आणि प्रवेशाबाबतची नियमावली पुस्तिका सीईटी सेलच्या ‘www.mahacet.org’ संकेतस्थळावर ‘नीट-पीजीएम’ येथे उपलब्ध करून देण्यात आले आहे. राज्य कोट्यांतर्गत सरकारी, निमसरकारी, अनुदानित, विनाअनुदानित खासगी, अल्पसंख्याक वैद्यकीय शिक्षण संस्थांमध्ये पदव्युत्तर अभ्यासक्रमांसाठी ही प्रवेश प्रक्रिया राबविण्यात येत आहे. विद्यार्थ्यांना प्रवेश प्रक्रियेची संपूर्ण माहिती मिळावी, म्हणून अधिकृत संकेतस्थळावर माहितीपुस्तिका प्रसिद्ध केली आहे, अशी माहिती ‘सीईटी सेल’ने दिली आहे.

पदव्युत्तर अभ्यासक्रमांच्या प्रवेश प्रक्रियेचे वेळापत्रक: तपशील : कालावधी

• - ऑनलाइन नोंदणी प्रक्रिया (नीट पीजी २०२१) : १३ ते १७ जानेवारी

• - ऑनलाइन नोंदणी शुल्क भरणे : १३ ते १७ जानेवारी

• - प्रवेशासाठी आवश्यक कागदपत्रे संबंधित संकेतस्थळावर अपलोड करणे : १३ ते १७ जानेवारी

• - नोंदणी केलेल्या विद्यार्थ्यांची सर्वसाधारण यादी जाहीर करणे (नीट-पीजी २०२१) : १८ जानेवारी

• - तात्पुरती राज्य गुणवत्ता यादी जाहीर करणे : २१ जानेवारी

• - प्रवेशासाठी उपलब्ध जागांचा तपशील जाहीर करणे : २१ जानेवारी

• - ऑनलाइन पद्धतीने प्राधान्यक्रम, पसंतीक्रम निवडणे : २२ ते २७ जानेवारी

• - पहिली निवड यादी जाहीर करणे : २८ जानेवारी

• - प्रत्यक्ष जाऊन प्रवेश निश्चितीचा अर्ज भरणे आणि प्रवेशाची प्रक्रिया पूर्ण करणे : २९ जानेवारी ते ३ फेब्रुवारी