राष्ट्रवादी काँग्रेसच्या आमदाराला धमकी देण्यात आल्याचा प्रकार समोर आला आहे. राष्ट्रवादी काँग्रेसचे तुमसर मतदार संघातील आमदार राजू कोरमोरे यांना एका टॅक्सी चालकाने धमकावल्याची घटना समोर आली आहे. राजू कोरमोरे हे टॅक्सीने वाकोला जंक्शन सांताक्रूझ येथून आमदार निवास कुलाबा येथे जाण्यासाठी निघाले होते. त्यावेळी ही घटना घडली आहे.

राष्ट्रवादी काँग्रेसचे आमदार राजू कोरमोरे हे टॅक्सीने वाकोला जंक्शन सांताक्रूझ येथून आमदार निवास कुलाबा येथे जात असताना टोलचे पैसे देण्यावरून वाद झाल्याने टॅक्सी चालकाने आमदार राजू कोरमोरे यांना धमकावत टॅक्सीतून खाली उतरवले आणि धमकावले.

या प्रकरणी राष्ट्रवादी काँग्रेसचे आमदार राजू कोरमोरे यांनी वाकोला पोलिस ठाण्यात दिलेल्या तक्रारीनंतर पोलिसांनी अज्ञात व्यक्ती विरोधात पोलिस ठाण्यात ५०६ (२), भादवी सह १७८(३) मोवाका अंतर्गत गुन्हा दाखल करून पोलिस आरोपीचा शोध घेत आहे.