पुणे : महाराष्ट्र क्रिकेट असोशिएशनवर शरद पवार यांचे नातू आमदार रोहित पवार यांची बिनविरोध निवड झाली आहे. पुण्यातील गहुंजे स्टेडियमवर असोशिएशनच्या सदस्यपदाची निवडणूक पार पडली. त्यानंतर महाराष्ट्र क्रिकेट असोशिएशनच्या अध्यक्षपदी त्यांची बिनविरोध निवड झाली आहे.

हेही वाचा - प्राचीन काळातली शस्त्रनिर्मिती कला....

दरम्यान, असोशिएशनच्या निवडणुकीत रोहित पवार हे क्लब गटाकडून विजयी झाले होते. महाराष्ट्र क्रिकेट असोशिएशनच्या १६ सदस्याच्या कमिटीमध्ये रोहित पवारांची निवड झाली होती. त्यानंतर असोशिएशनच्या कमिटीची बैठक आज पुण्यातील गहुंजे स्टेडियमवर पार पडली. त्यावेळी त्यांची अध्यक्षपदी बिनविरोध निवड झाली आहे.

आजोबांपाठोपाठ नातूही क्रिकेटच्या मैदानात

शरद पवार यांनीसुद्धा मुंबई क्रिकेट असोशिएशनच्या निवडणुकीसाठी कंबर कसली होती. तर भाजपच्या आशिष शेलार यांच्याशी या निवडणुकीसाठी त्यांनी युती केली होती. त्यानंतर आता महाराष्ट्र क्रिकेट असोशिएशनमध्ये रोहित पवारांची एंट्री झाली आहे.