मागील काही दिवसांपासून समृद्धी महामार्गाच्या उद्घाटनावरुन अनेक गोष्टी घडल्या आहेत. येत्या २ मे ला या महामार्गाचं उद्घाटन केल जाणार होतं. मात्र हा उद्घाटन सोहळा लांबणीवर पडणार असल्याची माहिती समोर आली आहे. पहिल्या टप्प्याचं उद्घाटनं राज्याचे मुख्यमंत्री उद्धव ठाकरे यांच्या हस्त केलं जाणार होतं. महाराष्ट्रदिनाच्या मुहुर्तावर हा महामार्ग सुरु व्हावा असे ठरलं असताना आता ते शक्य होणार नाही. कारण २ मे चा मुहुर्त टळला आहे. (samruddhi mahamarg inauguration event postponed)

नागपुरला मुंबईशी जोडणाऱ्या समृध्दी महामार्गाचे २ मे रोजी होणारे उद्घाटन लांबणीवर पडणार आहे. प्राण्यांच्या वाहतुकीसाठी तयार केलेला एक बायपास मध्येच कोसळल्याने महामार्ग उद्घाटन पुढे ढकलावे लागणार आहे. वाहतूक सुरु झाल्यानंतर प्राण्यांच्या हालचालीत अडथळा येणे उचित ठरणार नाही त्यामुळे हा निर्णय घेण्यात आला आहे. वन्यजीवांबद्दल कमालीची आस्था असल्याने ठाकरे परिवाराला हा संवेदनशील विषय वाटला असल्याचे बोलले जात आहे. दरम्यान, या बायपासच्या बांधकामात नेमक्या कोणत्या त्रुटी राहिल्या आहेत हे पाहून नव्याने काम केले जाणार आहे.

त्यामुळे दोन मे रोजी होणारे महामार्गाचे उद्घाटन आता पुढे ढकलण्यात आलं असल्याची माहिती सूत्रांकडून दिली जात आहे. हे उद्घाटन पुढे ढकलण्यात आलं असून समृद्धी महामार्गाच्या उद्घाटनाची पुढची तारीख कोणती असणार हे पाहणं महत्त्वाचं आहे. नागपूर- मुंबई 710 किलोमीटरचा हा महामार्ग आहे.