Sana Khan Murder Case: भाजपच्या अल्पसंख्याक सेलची पदाधिकारी सना खानच्या खुनात नवी माहिती समोर आली आहे. सना खानच्या (वय ३४) माध्यमातून पप्पू ऊर्फ अमित शाहू हा ‘सेक्सटॉर्शनचे रॅकेट’ चालवित असल्याचा धक्कादायक खुलासा यापूर्वी झाला असताना, आता पोलिसांना पप्पू शाहू याचा लॅपटॉप आणि सना खान यांचा मोबाइल पोलिसांनी जप्त केला आहे. त्यामुळे पप्पूविरोधात ‘सेक्सटॉर्शन’चे महत्त्वाचे पुरावेही हाती लागल्याची माहिती सूत्रांनी दिली आहे. त्यामुळे आता प्रकरणात नवा ट्विस्ट आला आहे.

सना खान २ ऑगस्टला नागपूर येथून जबलपूरला जाण्यासाठी निघाली होती. त्यानंतर तिचा मोबाइल ‘स्वीच ऑफ’ झाला. दुसऱ्या दिवशी सकाळी आईसोबत बोलल्यावर तिचा संपर्क तुटला. त्यामुळे मुलीला काही झाले असेल, या भीतीने त्यांनी पोलिसांकडे तक्रार दिली. त्यामुळे तपासात सना खानचा खून झाल्याची माहिती समोर आली.

दरम्यान, पप्पू शाहू याला पोलिसांनी अटक केल्यावर त्याच्याकडून सनाचा वापर ‘सेक्सटॉर्शन’साठी वापर होत असल्याची बाब उघड झाली होती. त्यामुळे या रॅकेटच्या माध्यमातून शाहूने मोठी संपत्ती जमवली होती. या संपत्तीतील पैसे सातत्याने सना खान मागत असल्याने तिला कायमचे संपविण्याच्या उद्देशातून त्याने तिचा खून केला. (Latest Marathi News)

या प्रकरणात शाहू याच्या विविध कलमान्वये गुन्हा दाखल केला होता. त्याचा तपास म्हणून पोलिसांनी त्याच्या बैलखेडा येथील आशीर्वाद ढाब्याजवळ छापा टाकून त्याचा लॅपटॉप आणि सना खानचा मोबाइल जप्त केला. सध्या पप्पूला प्रॉडक्शन वॉरंटवर कारागृहातून काढून पोलिस कोठडीत ठेवण्यात आले आहे.

अनेकांची कोट्यवधींनी लुबाडणूक?
सना खान आणि पप्पू शाहू यांची चार वर्षांपूर्वी फेसबुकवरून ओळख झाली. वाराणसीला जात असताना दोघांची भेट झाली. तेव्हापासून त्याची आणि सनाची मैत्री आणि मैत्रीचे प्रेमात रूपांतर झाले. त्याने या माध्यमातून महाराष्ट्र, मध्यप्रदेश आणि उत्तर प्रदेशातील मोठ्या व्यक्तींची कोट्यवधींनी लुबाडणूक केल्याचीही माहिती आहे.

विशेष म्हणजे, पप्पूला सनाचे अनेकांसोबत व्हिडिओ असल्याची माहिती मिळाली. त्याने ते व्हिडिओ आणि फोटो आपल्याकडे ठेवले. या व्हिडिओमध्ये नागपूरसह उत्तरप्रदेश आणि मध्यप्रदेशातील काही राजकीय पदाधिकारी आणि बड्या आसामींचा समावेश असल्याची शक्यता वर्तविण्यात येत आहे. (Latest Marathi News)