लखनौ : आमच्यावर कोणत्याही प्रकारचे टेंशन नाही. आम्ही निश्चिंत आहोत. मी स्वतः उमेदवार आहे तसेच सूत्रधार आहे. आमच्यावर कोणते टेंशन तुम्हाला दिसते का? असे उत्तर शिवसेनेचे खासदार संजय राऊत यांनी दिले. राज्यसभेच्या जागेवरून सुरू असलेल्या वादावर व दाव्यावर प्रसारमाध्यमाच्या प्रतिनीधीनी प्रश्न विचारला असता राऊत म्हणाले. चौथ्यांना राज्यसभेवर जाण्याआठी येथे आलो आणि १५ तारखेला राज्यसभेला गेल्यावर श्री रामाचे दर्शन घेणार, असेही संजय राऊत (sanjay raut) म्हणाले.

पर्यावरण मंत्री आदित्य ठाकरे (Aaditya Thackeray) १५ जून रोजी अयोध्या (ayodhya) दौऱ्यावर जाणार आहे. त्यांच्यासोबत मोठ्या संख्येने शिवसैनिक आणि युवासैनिक अयोध्येत जाणार आहे. आदित्य ठाकरे यांच्या दौऱ्याच्या तयारीचा आढावा घेण्यासाठी शिवसेनेचे खासदार संजय राऊत व एकनाथ शिंदे लखनौ (lucknow) विमानतळावर आले होते. हा शक्तिप्रदर्शाचा कार्यक्रम नाही, तर श्रद्धेचा आहे, असेही संजय राऊत (sanjay raut) म्हणाले.

आदित्य ठाकरे (Aaditya Thackeray) १५ जून रोजी अयोध्या दौऱ्यावर जाणार असल्याने तयारी जोरात सुरू आहे. बुधवारी (ता. १५) आदित्य ठाकरे लखनौ येथे पोहोचतील. येथून ते आयोध्येला जातील. यामुळे आम्ही दहा ते बारा लोक तयारीचा आढावा घेण्यासाठी येथे आलो आहोत. पूर्वी मुख्यमंत्री उद्धव ठाकरे येणार होते. आता आदित्य ठाकरे येणार आहेत, असे संजय राऊत (sanjay raut) म्हणाले.

आमचे दोन्ही उमेदवार विजयी होतील

पत्रकारांनी राज ठाकरे येणार होते, असे संजय राऊतांना विचारले. यावर बोलताना ते म्हणाले, ‘राज ठाकरे येणार होते हे मला माहिती नाही. मी आमच्या पक्षाबद्दल बोलू शकतो. दुसऱ्यांच्या पक्षाबद्दल सांगू शकत नाही.’ आमचे कार्यकर्ते काम करीत आहे. कुठे काय सुरू आहे हे पाहण्यासाठी आलो आहोत. टेंशन असतो तर आलो नसतो. आमचे दोन्ही उमेदवार विजयी होतील, असा विश्वास एकनाथ शिंदे यांनी (eknath shinde) व्यक्त केला.