सत्तसंघर्षानंतर राज्यात शिवसेना कोणची असा प्रश्न उपस्थित झाला आहे. यावर सुप्रिम कोर्टात सुनावणीदेखील सुरू आहे. अशातच शिवसेना आमचीच असे ठाम मत मुख्यमंत्री एकनाथ शिंदे यांनी मांडल आहे. दरम्यान, शिवसेनाप्रमुख बाळासाहेब ठाकरे यांचा आज 10 वा स्मृतीदिन आहे. यानिमित्त ट्विट करत मुख्यमंत्री एकनाथ शिंदे यांनी बाळासाहेबांचे विचार आमच्या मनात अशा शब्दात बाळासाहेब ठाकरे यांना अभिवादन केले आहे. (Shiv Sena maharashtra politics CM Eknath Shinde Balasaheb Thackeray Death Anniversary)

साहेब आपले विचार आणि स्मृती सदैव आमच्या मनात... वंदनीय #हिंदुहृदयसम्राट #शिवसेनाप्रमुख स्वर्गीय #बाळासाहेब_ठाकरे यांना स्मृतीदिनी विनम्र अभिवादन..अशा आशयाचे ट्विट करत मुख्यमंत्री शिंदे यांनी अभिवादन केले आहे.

एकनाथ शिंदेंसह त्यांच्या गटाने अनेकवेळा हा शिंदे गट नाही तर बाळासाहेबांची शिवसेना आहे. असे ठामपणे सांगितले आहे. राज्यात परिवर्तनाची गरज आहे. आम्ही परिवर्तन केले. आम्ही बाळासाहेब ठाकरेंच्या विचारांना माननारे शिवसैनिक आहे. आम्ही आनंद दिघेंच्या मार्गावर चालणारे कार्यकर्ते आहोत. असेही मुख्यमंत्री शिंदे यांनी अनेकवेळा जनतेला संबोधित करताना सांगितले आहे.

एकनाथ शिंदेंच्या बंडाळीमुळे शिवसेनेत फूट पडल्यानंतर शिवसेना कुणाची असा प्रश्न निर्माण झाला आहे. शिवसेना ठाकरे गट आणि शिंदे गटाकडून सर्वोच्च न्यायालयात विविध याचिका दाखल करण्यात आल्या आहेत.