Nitesh Rane:  सिंधुदुर्ग जिल्ह्यातील मालवण येथील छत्रपती शिवाजी महाराजांच्या प्राचीन मंदिराकडे राज्य सरकारचे दुर्लक्ष होत आहे. सरकारकडून मंदिर देखभालीसाठी फक्त ५०० रुपये महिना निधी. मुख्यमंत्र्यांनी दीड वर्षांपूर्वी निधी वाढवण्याचे निर्देश दिले होते. हा निधी २५ हजार असावा, असे असे हिंदू जागरण समितीने म्हटले आहे.

दरम्यान यावर आमदार नितेश राणे यांनी नागपूर येथे बोलताना प्रतिक्रिया दिली. हिंदू जागरण समिती काही माहिती असेल तर त्यांनी आम्हाला द्यावी, असे राणे म्हणाले.

असे काही होत असेल तर त्यामध्ये सुधारणा करु. शिवरायांच्या कुठल्याही विषयात आम्ही तडजोड करायला तयार नाही. या प्रकरणात माहिती दिली तर योग्यप्रकारे कारवाई करु आणि प्रश्न सोडवू, असे राणे म्हणाले.

मुख्यमंत्र्यांनी निर्णय दिला आहे मात्र अधिकारी टाळाटाळ करत आहेत, यावर राणे म्हणाले, अशा अधिकाऱ्यांवर कडेलोट कसं करायचं यामध्ये आमची पिएचडी आहे. अधिकाऱ्यांचे नाव द्या, सिंधुदुर्ग किल्ल्याच्या खाली पाणी खूप खोल आहे.  (Latest Marathi News)