नाशिक : विद्यार्थ्यांमध्ये शास्त्रीय दृष्टिकोन निर्माण व्हावा म्हणून प्राध्यापक संजय ढोले पाटील यांच्या पुढाकाराने सावित्री फुले पुणे विद्यापीठाची (SPPU) फिरती विज्ञान प्रयोगशाळा इस्पॅलियर हेरिटेज स्कूल येथे पोचली आहे.

हसत खेळत शिक्षण विद्यार्थ्यांच्या आवडीचे

या फिरत्या प्रयोगशाळेच्या माध्यमातून प्रा. निशांत जगताप यांनी सर्व विद्यार्थ्यांना लिक्विड नाइट्रोजनचे (Liquid Nitrogen) विविध प्रयोग करून दाखविले. लिक्विड नायट्रोजनचा उत्कलनांक बिंदू उन्हे १९६ डिग्री सेल्सियस असतो व त्याचा परिणाम इतर सजीव निर्जीव वस्तूंवर कसा होतो याचे विविध प्रयोग विद्यार्थ्यांकडून करून घेतले. तसेच शास्त्राचे विविध प्रयोग नाटकाच्या माध्यमातून अतिशय हसत-खेळत त्याचे प्रात्यक्षिक करून दाखविले. या नाटकामध्ये पवनचक्की, सौर ऊर्जा, पॉली ऑल आणि आयसो साईनाईट या दोन रसायानांमधून पॉली युरोथीन फोम तयार करण्यात आला जो खुर्च्यांच्या सीट साठी वापरतात. इयत्ता आठवी व नववीसाठी खास प्लाझ्मा प्रयोग, (बायमेटालिक) द्वी धातू पट्टी प्रयोग घेतला. या कार्यक्रमाला इयत्ता पहिली ते नववी चे सर्व विद्यार्थी उपस्थित होते.

सावित्रीबाई फुले पुणे विद्यापीठ आणि एल. जी इलेक्ट्रॉनिक्स यांच्या संयुक्त विद्यमाने बनवलेल्या या फिरती प्रयोगशाळेमध्ये निशांत जगताप यांनी विद्यार्थ्यांना प्रात्यक्षिक दाखविले तर नंदराज कोळेकर, प्रफुल्ल म्हसेकर यांनी विज्ञान नाटक सादर केले. सिताराम बहिर, हितेश सोनवणे यांनी सहाय्य केले. यावेळी शाळेच्या मुख्याध्यापिका अंकिता कुर्या, विज्ञान शिक्षक आणि शिक्षण अभ्यासक सचिन जोशी उपस्थित होते.