एकनाथ शिंदे यांनी बंड केल्यानंतर राज्यातील अनेक दिग्गज नेते शिंदेंसोबत गेले. एकनाथ शिंदे यांनी देखील राज्याच्या कानाकोपऱ्यात शिंदेंची शिवसेना रुजवण्यासाठी कंबर कसली आहे. यातच शिंदे गटाने पुण्यात ठाकरे गटाचा धक्का दिला आहे.
ठाकरे गटाच्या बड्या नेत्यालाच शिंदे गटात घेतलं आहे. या बड्या नेत्याने ठाकरे गटातील सर्व पदांचा राजीनामा दिला असून शिंदे गटात प्रवेश करणार आहे. शिवसेना (ठाकरे गट) जिल्हाप्रमुख आणि मुळशी पंचायत समितीचे माजी सभापती बाळासाहेब चांदेरे यांनी शिंदे गटाची वाट धरली आहे.
बाळासाहेब चांदेरे यांनी ठाकरे गटाला सोडचिठ्ठी दिली आहे. त्यांनी ठाकरे गटाच्या सर्व पदांचा राजीनामा दिला आहे. ते मुख्यमंत्री एकनाथ शिंदे यांच्या उपस्थितीत ते शिवसेनेत प्रवेश करणार आहेत. बाळासाहेब चांदेरे हे पुण्यातील बलाढ्य नेते आहेत.
भोर, पुरंदर आणि हवेली या तीन तालुक्यांची त्यांच्याकडे जबाबदारी होती. या तिन्ही विभागाचे ते जिल्हाध्यक्ष म्हणून काम पाहत होते. पक्ष सोडण्याचे कारण सांगताना त्यांनी सांगितलं की, "महाविकास आघाडीत काम करत असताना घुसमट होत आहे."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.