Ajit Pawar: पुणे लोकसभा पोटनिवडणुकीत मविआच्या उमेदवाराबाबत अजित पवारांनी दिली महत्त्वाची माहिती

अजित पवार यांनी आज पत्रकार परिषद घेवून पुणे जिल्हा मध्यवर्ती सहकारी बँकेच्या आर्थिक स्थितीची माहिती दिली. त्यांनी सांगितलं की राज्यातील ३१ जिल्हा बँकांमध्ये पुणे जिल्हा मध्यवर्ती सहकारी बँक अव्वल स्थानी आहे. बँकेने मागील वर्षी ढोबळ नफा ३५१ कोटी ४१ लाख मिळाला आहे.

यावेळी बोलताना त्यांनी पुण्यातील रिक्त झालेल्या लोकसभेच्या जागेवर भाष्य केलं. अजित पवार म्हणाले की, ज्यावेळ ही निवडणुक लागेल त्यावेळी आम्ही महाविकास आघाडी मधील नेते एकत्र बसून कोणाला उमेदवारी द्यायची यावर चर्चा करू, तेथील राजकीय परिस्थिती काय आहे, कोणाची तिथ ताकत आहे.

मागील काळात झालेल्या महानगर पालिकेच्या निवडणुकीत मविआच्या कोणत्या पक्षाला जास्त जागा मिळाल्या आहेत, कोणाचे किती नगरसेवक आहेत. या सगळ्यांवर चर्चा करून या जागेवर निर्णय घेवू" अशी प्रतिक्रिया विरोधी पक्ष नेते अजित पवार यांनी दिली आहे.

दरम्यान भाजपचे खासदार गिरीश बापट यांच्या निधना नंतर पुणे लोकसभा पोटनिवडणुकीची चर्चा राजकीय वर्तुळात रंगली आहे. पोटनिवडणुक जाहीर होण्या आगोदरच पुण्यात भावी खासदार म्हणून भाजप-राष्ट्रवादीच्या इच्छूक नेत्यांचे बॅनर लागले होते. राष्ट्रवादीकडून शहर अध्यक्ष प्रशांत जगताप यांचे भावी खासदार म्हणून बॅनर लागले होते. त्यामुळे पुण्याची लोकसभेची जागा राष्ट्रवादीला मिळू शकते अशी चर्चा राजकीय वर्तुळात रंगू लागली आहे.