छोट्या पडद्यावरील विविध मालिकांमध्ये दर आठवड्यात टीआरपीची TRP चुरस लागते. गेल्या काही आठवड्यांपासून 'आई कुठे काय करते' Aai Kuthe Kay Karte या मालिकेचं हिंदी व्हर्जन म्हणजेच 'अनुपमाँ' Anupamaa या मालिकेने टीआरपीच्या शर्यतीत आपलं पहिलं स्थान अबाधित ठेवलं आहे. रुपाली गांगुली, सुधांशू पांडे, गौरव खन्ना आणि मदालसा शर्मा यांच्या मुख्य भूमिका असलेल्या या मालिकेचं टीआरपी रेटिंग दिवसेंदिवस वाढत आहे. या मालिकेला मिळालेल्या इम्प्रेशन्सचा आकडा हा ४.१ दशलक्षांवरून ४.३ दशलक्षांवर गेला आहे. टीआरपीच्या यादीत 'गुम है किसी के प्यार में' ही मालिका दुसऱ्या क्रमांकावर आहे.

'गुम है किसी के प्यार में' या मालिकेतील ऐश्वर्या शर्मा आणि नील भट्ट यांनी खऱ्या आयुष्यात लग्नगाठ बांधली. त्यामुळे गेल्या काही दिवसांत ते मालिकेत दिसले नाहीत. मात्र त्यामुळे टीआरपीवर फारसा परिणाम झालेला नाही. आयेशा सिंग, किशोरी शहाणे, भारती पाटील, शीतल मौलिक आणि इतर कलाकारांनी प्रेक्षकांना खिळवून ठेवलं आहे. या मालिकेला ३.२ दशलक्ष व्ह्यूअरशिप इम्प्रेशन्स मिळाले आहेत.

सरगुन मेहता आणि रवी दुबे यांचा टीव्ही शो 'उदारियाँ' तिसऱ्या क्रमांकावर आहे. तर गश्मीर महाजनी, मयुरी देशमुख आणि सुंबुल तौकीर यांची 'ईमली' ही मालिकासुद्धा तिसऱ्या स्थानी कायम आहे. या दोन्ही मालिकांना २.७ दशलक्ष व्ह्यूअरशिप इम्प्रेशन्स मिळाले आहेत. चौथ्या क्रमांकावर 'ये रिश्ता क्या कहलाता है' ही मालिका आहे. तर 'ये है चाहते' ही मालिका टीआरपीच्या शर्यतीत पाचव्या स्थानी आहे.