Humaira Himu News: प्रसिद्ध अभिनेत्री हुमैरा हिमुचं निधन झालंय. अभिनेत्रीच्या निधनाने तिच्या चाहत्यांना मोठा धक्का बसला आहे. हुमैरा हिमूच्या निधनाने सर्वजण शोक करीत आहेत.

वयाच्या अवघ्या ३७ व्या वर्षी हुमैरा हिमूने जगाचा निरोप घेतला आहे. अभिनेत्रीच्या निधनाने कुटुंबीयांनाही धक्का बसला आहे. तसेच सर्वजण त्याच्यावर शोक व्यक्त करत आहेत. याप्रकरणी पोलिसांनी तिच्या प्रियकरावर संशय घेतला असल्याचं उघड झालंय.

हुमैराच्या मानेवर निशाण, पोलिसांचा प्रियकरावर संशय

News24Online च्या वृत्तानुसार, 2 नोव्हेंबर रोजी हुमैराला उत्तरा मॉडर्न मेडिकल कॉलेज हॉस्पिटलमध्ये नेण्यात आले, तिथे डॉक्टरांनी तिला मृत घोषित केले. इतकंच नाही, तर अॅक्टर्स इक्विटी असोसिएशनच्या अध्यक्षांनी सांगितलं की, तिच्या मानेवर मारहाण केल्याची खूण दिसल्यानंतर डॉक्टरांनी पोलिसांना बोलावलं. पोलिस येण्यापूर्वीच तिचा मित्र हॉस्पिटलमधून निघून गेला होता. त्यामुळे हुमैराच्या मित्रावर पोलिसांनी संशय व्यक्त करत असुन ते त्याचा शोध घेत आहेत.

हुमैराची हत्या की आत्महत्या!

पोलिसांनी दिलेल्या पुढील अहवालात म्हटले आहे की, अभिनेत्रीच्या मृत्यूचे नेमके कारण शोधण्यासाठी आता पोस्टमॉर्टम केले जाईल. तसेच हुमैराचे एका तरुणासोबत प्रेमसंबंध होते, असा दावा पोलिसांनी केला आहे.

2 नोव्हेंबर रोजी दुपारी दोघांमध्ये झालेल्या वादानंतर तिने आत्महत्या केली असावी, असा संशय पोलिसांनी व्यक्त केलाय. मात्र, डॉक्टरांनी मृत घोषित करण्यापूर्वीच तिचा प्रियकर पळून गेल्याचा संशयही पोलिसांना आहे. (Latest Marathi News)

गाजलेल्या सिनेमांमधून हुमैराने केलं काम

2006 मध्ये एका टेलिव्हिजन मालिकेद्वारे तिने हुमैराने तिच्या अभिनय कारकिर्दीची सुरुवात केली होती. याशिवाय हुमैराने 2011 मध्ये 'अमर बंधू रशीद' या चित्रपटातून आपल्या फिल्मी करिअरला सुरुवात केली.

'बारी बारी सारी सारी', 'हाऊसफुल', 'गुलशन एव्हेन्यू'सह अनेक टीव्ही नाटकांमध्ये हुमैरा झळकली. सध्या पोलीस या प्रकरणाचा तपास करत आहेत.