Ekda Yeun Tar Bagha Trailer News: गेल्या काही महिन्यांमध्ये मराठी मनोरंजन विश्वात अनेक नवनवीन विषयाचे सिनेमे पाहायला मिळाले. बाईपण भारी देवा, महाराष्ट्र शाहीर, वेड अशा अनेक सिनेमांनी थिएटरमध्ये प्रेक्षकांचं प्रेम मिळवलं.
काही दिवसांपुर्वी रिलीज झालेल्या आत्मपॅफ्लेट आणि नाळ भाग २ सिनेमानेही प्रेक्षकांचं प्रेम मिळवलं. अशातच नवीन मराठी सिनेमा प्रेक्षकांच्या भेटीला येणार आहे. हा सिनेमा म्हणजे एकदा येऊन तर बघा. एकदा येऊन तर बघा सिनेमाचा ट्रेलर भेटीला आलाय.
एकदा येऊन तर बघाचा ट्रेलर
एकदा येऊन तर बघा सिनेमाचा धम्माल ट्रेलर भेटीला आलाय.या ट्रेलरमध्ये फुलंब्रीकर कुटूंब दिसतं. जे एकदा येऊन तर बघा नावाचं हॉटेल सुरु करतं. या कुटूंबाच्या हॉटेलमध्ये जो पहिला गिऱ्हाईक येतो त्याचा अज्ञात कारणामुळे जीव जातो.
पुढे त्याचा मृतदेह लपवण्यात या कुटुंबाची तारांबळ उडते. आणि पुढे जी काय धम्माल उडते, हे ट्रेलरमध्ये पाहायला मिळतं. ट्रेलरच एवढा मजेशीर आहे तर सिनेमाही नक्कीच पोट धरुन हसायला लावणार, यात शंका नाही.
दिग्गज कलाकारांची फौज
एकदा येऊन तर बघा सिनेमात दिग्गज कलाकारांची फौज आहे. सयाजी शिंदे, गिरीश कुलकर्णी, नम्रता संभेराव, विशाखा सुभेदार, ओंकार भोजने, भाऊ कदम, वनिता खरात, रोहित माने असे कलाकार आहेत.
या सिनेमाचं लेखन - दिग्दर्शन प्रसादने केलं असुन स्वतः प्रसाद खांडेकर सुद्धा सिनेमात भुमिका साकारणार आहे.
या तारखेला सिनेमा होणार रिलीज
एकदा येऊन तर बघा सिनेमा ८ डिसेंबरला भेटीला येणार आहे. हा सिनेमा आधी २४ नोव्हेंबरला रिलीज होणार होता. पण आता हा सिनेमा ८ डिसेंबरला भेटीला येणार आहे.
फुलंब्रीकर कुटुंब २०२३ च्या अखेरीस प्रेक्षकांना पोट धरुन खळखळुन हसवणार, यात शंका नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.