Mr India Premraj Arora Death: अलीकडेच प्रसिद्ध टीव्ही अभिनेता नितेश पांडे यांचे हृदयविकाराच्या झटक्याने निधन झाले. त्याचवेळी देशातील प्रसिद्ध बॉडीबिल्डर आणि माजी मिस्टर इंडिया प्रेमराज अरोरा यांचे निधन झाले आहे. प्रेमराज यांचे वय अवघे ४२ वर्षे होते, त्यांच्या मृत्यूचे कारणही हृदयविकाराचा झटका असल्याचे सांगितले जात आहे.

प्रसिद्ध बॉडीबिल्डर आणि माजी मिस्टर इंडिया प्रेमराज अरोराचे निधन झाले आहे. प्रेमराज अवघ्या ४२ वर्षाचा होता, त्यांच्या मृत्यूचं कारणही हृदयविकाराचा झटका असल्याचे सांगितले जात आहे.

42 वर्षीय माजी मिस्टर इंडिया प्रेमराजचा मृतदेह गुरुवारी वॉशरूममध्ये आढळून आला. वर्कआऊट करून तो वॉशरूममध्ये गेला मात्र काही तास उलटूनही तो बाहेर आला नाही. तेव्हा दरवाजा ठोठावला, मात्र त्यांने उत्तर दिले नाही. रुग्णालयात नेले असता डॉक्टरांनी त्यांना मृत घोषित केले. 

वॉशरूममध्ये त्याला हृदयविकाराच्या झटका आला आणि त्यांचा जागीच मृत्यू झाला असल्याचं सांगण्यात येत आहे.

प्रेमराजच्या कुटुंबीयांनी सांगितले की, त्याने कोणत्याही प्रकारची औषधी घेतली नाहीत, निरोगी आहाराचे पालन केले आणि तो फिटनेस कोच आणि जिम इन्स्ट्रक्टर देखील होता.

2012 आणि 2013 मध्ये प्रेमराजने राजस्थानमधील सर्वोत्तम पॉवरलिफ्टिंग स्पर्धा त्यानं जिंकली होती. 2014 मध्ये नागपूर येथे झालेल्या स्पर्धेत प्रेमराजने सुवर्णपदक आणि मिस्टर इंडियाचा किताब पटकावला होता. 2016-18 या वर्षांमध्ये त्याने पुन्हा एकदा मिस्टर राजस्थानचा किताब पटकावला.

प्रेमराज अरोरा हा त्याच्या बॉडी बिल्डिंगमुळे खूप प्रसिद्ध असला तरी 2014 मध्ये त्याने मिस्टर इंडियाचा किताब जिंकून सर्वांचे लक्ष वेधून घेतले होते. प्रेमराजच्या पश्चात दोन मुली आणि पत्नी आहे.