Ira Khan Wedding, Aamir Khan: बऱ्याच दिवसांपासून आमिर खानची मुलगी आयरा खान ही तिच्या लग्नामुळे चर्चेत होती. आयरा आणि नुपूरच्या घरी गेल्या काही दिवसांपासून लग्नाची तयारी झाली होती. आता अखेर 3 जानेवारी 2024 रोजी आयरानं नुपूर शिखरेसोबत लग्नगाठ बांधली. तिच्या लग्नाला त्यांच्या कुटुंबियांशिवाय बॉलिवूड कलाकार आणि अनेक सेलिब्रिटींनी हजेरी लावली होती.

सध्या आयरा आणि नुपूरच्या लग्नाचे व्हिडिओ आणि फोटो सोशल मीडियावर व्हायरल झाले आहेत. तर केवळ वधू वराचाच नाही तर आमिर खानचा देखील एक व्हिडिओ सोशल मिडियावर व्हायरल होत आहे. ज्यात आमिरने सर्वांचे लक्ष वेधून घेतले आहे.

आयरा आणि नुपूरच्या लग्नानंतर सर्व फॅमिलीने एकत्र येत कॅमेऱ्यासमोर पोज दिल्या होत्या. यावेळी आमिर खान त्याच्या दोन्ही पुर्व पत्नी रीना दत्ता आणि किरण रावही उपस्थित होत्या.

यावेळी त्याच्या दोन्ही पत्नी पारंपारिक लूकमध्ये खूपच सुंदर दिसत होत्या. तर आमिर लेकिच्या लग्नात शेरवानी आणि फेटा बांधलेला दिसला. तर या व्हायरल व्हिडिओमध्ये आमिर खानचे संपूर्ण कुटुंब नवविवाहित जोडप्यासोबत फोटो काढत असताना यादरम्यान आमिरही पत्नीवर प्रेमाचा वर्षाव करताना दिसत आहे.

यावेळी आमिरने किरणला किस केले आणि प्रेमाचा वर्षाव केला. त्यामुळे लेकीच्या लग्नात आमिरच भाव खाऊन गेला. हा व्हिडिओ समोर आल्यानंतर आयरा आणि नुपूरच्या लग्नापेक्षा आमिर खानचीच जास्त चर्चा होत आहे. या व्हिडिओवर आता यूजर्स प्रतिक्रिया देत ​​आहेत.

आयरा खान आणि नुपूर शिखरे बऱ्याच दिवसांपासून एकमेकांना डेट करत होते. आयरा खान आणि नुपूर यांनी नोव्हेंबर 2022 मध्ये एंगेजमेंट केली होती. नुपूर हा आमिर खानचा ट्रेनर आहे. जेव्हा आयरा डिप्रेशनमध्ये होती, तेव्हा नुपूरने तिला त्यातून बाहेर येण्यासाठी खूप मदत केली. त्यानंतर दोघांची मैत्री झाली आणि त्या मैत्रीचे रुपांतर प्रेमात झाले. आता दोघांनी लग्नगाठ बांधली.