Kushal Badrike: मराठी मनोरंजन विश्वातील लोकप्रिय अभिनेता कुशल बद्रिके हा नेहमी कोणत्या ना कोणत्या कारणाने चर्चेत असतो. कुशलने आजवर त्याच्या अभिनयाने आपल्या सर्वांचं मनोरंजन केलं. कुशल 'चला हवा येऊ द्या' या विनोदी शो मुळे घराघरात पोहोचलेला आहे. कुशल आता वेगवेगळ्या सिनेमांमध्येही भूमिका साकारताना दिसत आहे.

'एक होता काऊ', 'पांडू' सिनेमात कुशलने उत्तम भूमिका साकारली आहे. आताही अनेक मराठी सिनेमातून तो प्रेक्षकांचे मनोरंजन करणार आहे. कुशल त्याच्या सोशल मीडियावरील पोस्टमुळे नेहमी चर्चेत असतो. कुशल आपल्या पोस्टच्या माध्यमातून अनेक वैचारिक गोष्टी चाहत्यांपर्यंत पोहोचवण्याचा प्रयत्न करत असतो. अशातच आता पुन्हा कुशलने एक पोस्ट केली आहे जी सोशल मिडियावर चर्चेत आली आहे.

स्वतःचे काही फोटो शेअर करत कुशलने ही पोस्ट केली आहे. या पोस्टला त्याने सत्य घटनेवर आधारित आहे असं सांगितले आहे.

या पोस्टमध्ये कुशल लिहितो, 'ही post सत्य घटने वर आधारित आहे. माझ्या लग्नाला तसा माझ्या सासरकडून कडकडून विरोध होता. मला कायम असं वाटत राहील की माझं दिसणं हेच त्याला कारणीभूत असेल. आता हे फोटोज हाती लागेपर्यंत मी याच ‘गैर समजुतीत’ होतो.

हे फोटोज मला मिळाले त्या क्षणी मी सुनयनाकडे तडक गेलो आणि फोटो दाखवून तिला म्हणालो, ‘या मुलाला तुम्ही नाकारलं होतं, या अशा दिसणाऱ्या मुलाला नाकारण्याची तुमची हिंमत झालीच कशी?’

पुढे तो लिहितो, सुनयना मला शांतपणे म्हणाली, ‘तू अजूनही तसाच दिसतोस, हल्ली कॅमेरे बऱ्या क्वालिटीचे आलेत.’ मग मी आरशात एकदा स्वतःला पाहिलं आणि माझा ‘गैरसमज’ संपूर्ण दूर झाला.

खरंच… टेक्नोलॉजी काय डेव्हलप झाली आहे यार, कॅमेरे चांगले आलेत बाजारामधे. (सुकून), Sanjay Mandhare तुझा कडचा ? camera भारी आहे .”

मराठी कलाकारांनीही त्याच्या पोस्टवर प्रतिक्रिया दिल्या आहेत . यात अभिनेता संतोष जुवेकर म्हणाला, 'अबबबबबबबबब…… अरे किती महागडा दिसतोयस तू कुश्या. चला गावी जाईन म्हणतो मी आता'. सध्या कुशलची ही पोस्ट सोशल मिडियावर व्हायरल होत आहे. नेटकरी त्याच्या पोस्टवर कमेंट करत आहे.