Mahesh babu Latest News महेश बाबूची (Mahesh Babu) आई इंदिरा देवी यांचे बुधवारी (ता. २८) पहाटे ४ वाजताच्या सुमारास निधन झाले. सकाळी त्यांनी अखेरचा श्वास घेतला, असे कुटुंबीयांनी जारी केलेल्या निवेदनात म्हटले आहे. महेश बाबू यांची आई इंदिरा देवी काही महिन्यांपासून आजारी होत्या. महेश बाबूचे चाहते सोशल मीडियावर शोक व्यक्त करीत आहेत.

काही महिन्यांपासून आजारी असलेल्या महेश बाबूची (Mahesh Babu) आई इंदिरा देवी यांनी हैदराबाद येथे अखेरचा श्वास घेतला. या दु:खद घटनेबद्दल चाहते सोशल मीडियावर कठीण काळात महेश बाबूला धीर देण्याचा प्रयत्न करीत आहे. चाहत्यांव्यतिरिक्त साउथचा मेगास्टार चिरंजीवी यांनीही ट्विट करून महेश बाबूच्या आईच्या निधनाबद्दल श्रद्धांजली वाहिली आहे.

‘श्रीमती इंदिरा देवी यांच्या अकाली निधनाबद्दल ऐकून दुःख झाले. महेश बाबू यांच्या आईच्या आत्म्याला शांती लाभो. मी सुपरस्टार कृष्णा, भाऊ महेश आणि कुटुंबाला माझ्या संवेदना व्यक्त करतो’ असे ट्विट चिरंजीवी यांनी केले आहे.

इंदिरा देवी यांचे पार्थिव श्रद्धांजलीसाठी पद्मालय स्टुडिओमध्ये ठेवण्यात आले आहे. त्यांच्यावर महाप्रस्थान येथे अंत्यसंस्कार करण्यात येणार आहे. महेश बाबूच्या चाहत्यांनी अभिनेत्याच्या आईसोबतचे अनेक जुने व्हिडिओही शेअर केले आहेत.

इंदिरा देवी यांचे पार्थिव श्रद्धांजलीसाठी पद्मालय स्टुडिओमध्ये ठेवण्यात आले आहे. त्यांच्यावर महाप्रस्थान येथे अंत्यसंस्कार करण्यात येणार आहे. महेश बाबूच्या चाहत्यांनी अभिनेत्याच्या आईसोबतचे अनेक जुने व्हिडिओही शेअर केले आहेत.