Malaika Arora Son Arhaan Khan Trolls: बॉलिवूड अभिनेता अरबाज खान गेल्या काही दिवासांपासून त्याच्या लग्नाच्या बातम्यांमुळे चर्चेत आहे. मात्र त्यानंतर मलायका देखील चर्चेत आली. मलायकाने देखील दुसऱ्या लग्नाला तयार असल्याचे सांगितले. अरबाजच्या लग्नानंतर मलायकानं त्याला इंस्टावरुन अनफॉलो केले आहे.

मात्र आता अरबाज किंवा मलायका नव्हे तर त्याचा लेक अरहान खान चर्चेत आला आहे. सोशल मिडियावर अरहानचा एक व्हिडिओ व्हायरल होत आहे ज्यामुळे त्याला ट्रोल करण्यात येत आहे.

अरहान खानचा एक व्हिडिओ सध्या व्हिडिओ सोशल मीडियावर व्हायरल आला आहे, या व्हिडिओत तो खुप आनंदी दिसत होता. तो रस्त्याच्या मध्ये पापाराझींसारखी फोटोग्राफी करताना दिसला आहे.

Yamaha RX 100 बाइकवर बसून कॅमेरासोबत फोटोग्राफी करताना दिसला. यात तो मस्तीच्या मूडमध्ये दिसला. पापाराझींचा कॅमेरा घेऊन, तो त्यांच्याप्रमाणे फोटो काढत होता. नंतर, तो कॅमेरा परत करून बाईकच्या मागे जातानाही या व्हिडिओत दिसला.

हा व्हिडिओ व्हायरल होताच नेटकऱ्यांनी मलायकाच्या मुलाला ट्रोल करण्यास सुरुवात केली आणि त्याच्यावर पोलिसांनी कारवाई करावी अशी मागणीही केली. सध्या अरहान खानला सोशल मीडियावर खूप ट्रोल केले जात आहे.

यावेळी अरहानने डोक्यावर हेल्मेट घातलेले नाही. रहदारीचे नियम न पाळल्यामुळे अरहान खानवर पोलिसांनी कारवाई करावी अशी मागणी केली जात आहे.

या व्हिडिओला कमेंट करत एकानं लिहिले की, "हेल्मेट कुठे आहे भावा?" तर दुसऱ्याने लिहिले, "याच्यावर कारवाई करा" तर अनेकांनी अरबाज खानचा मुलगा अरहानला हेल्मेट घालण्याचा आणि रस्ता सुरक्षा नियमांचे पालन करण्याचा सल्ला दिला.

तर दुसरीकडे अरहान रवीना टंडनची मुलगी राशा थडानीला डेट करत असल्याच्या बातम्या चर्चेत आहेत. राशा थडानीसोबतचा अरहानचा एक व्हिडिओ सोशल मीडियावर व्हायरल होत असल्याने या चर्चा सुरु झाल्या आहेत.