बाॅलीवूड चित्रपट 'गंगूबाई काठियावाडी'नंतर (Gangubai Kathiawadi) चित्रपट निर्माता संजयलीला भन्साळी (Sanjay Leela Bansali) आपला आगामी चित्रपट हीरामंडीसाठी सज्ज झाला आहे. त्यांचा हा चित्रपट ओटीटीवर प्रदर्शित होणार आहे. या सर्व घाई गडबडीत भन्साळींचा एक फोटो समोर आला आहे. यात ते बाॅलीवूड अभिनेत्री मनीषा कोईराला आणि दिग्गज कलाकार मुमताजबरोबर पोझ देताना दिसत आहेत. हा फोटो स्वतः मनीषा कोईरालाने (Manisha Koirala) आपल्या इन्स्टाग्रामवरुन शेअर केला.

भन्साळी आणि मुमताजबरोबर फोटो शेअर करताना मनीषा कोईरालाने कॅप्शनमध्ये लिहिले आहे, लिजेंडच्या कंपनीत.. मला अशा अद्भूत क्रिएटिव्ह लोकांची साथ खूपच आवडते. माझा चेहरा खूप काही सांगून जातो. #धन्य #जीनियस #संजयलीलाभन्साळी #मुमताज. फोटोत दोन्ही अभिनेत्रींच्यामध्ये भन्साळी दिसत आहेत.

हीरामंडीत बरोबर दिसणार

मनीषा कोईरालाने शेअर केलेल्या या फोटोवरुन आता सोशल मीडियावर चर्चेला उधाण आले आहे. दोघीही आगामी हीरामंडीत मनीषा आणि मुमताज बरोबरच दिसणार आहेत, असे बोलले जात आहे. दोन्ही अभिनेत्री संजयलीला भन्साळी यांच्याबरोबर काम करण्यास तयार आहेत. जर हे खरे ठरले तर एक सुखद बातमी ठरेल. कारण मनीषा तब्बल चार वर्षानंतर चंदेरी पडद्यावर दिसेल. दुसरीकडे मुमताज जवळपास ४५ वर्षानंतर बाॅलीवूडमध्ये पुनरागमन करेल. एका मुलाखतीत मुमताज यांनी सांगितले होते, की हीरामंडीच्या (Heeramandi) काही डान्स सिक्वेन्ससाठी बोलवले गेले होते. आपल्या बाॅलीवूडमधील वापसीवर त्यांनी शिक्कामोर्तब करत म्हणाल्या ४५ वर्षानंतर पुन्हा चाहत्यांना आश्चर्याचा धक्का द्यायला तयार आहे.