Nawazuddin Siddqui Bollywood Actor now angry : बॉलीवूडचा दिग्गज अभिनेता नवाझुद्दीन सिद्धिकी हा त्याच्या वेगळेपणासाठी, हटक्या भूमिकेसाठी ओळखला जाणारा अभिनेता आहे. आजवर नवाझुद्दीननं जितक्या भूमिका केल्या आहेत त्या प्रेक्षकांच्या मनात घर करुन आहेत. गेल्या काही दिवसांपासून नवाझुद्दीन हा वेगवेगळ्या कारणासाठी चर्चेत आला आहे.

सध्या नवाझुद्दीन हा त्याच्या आगामी जोगीरा सा रा रा चित्रपटामुळे चर्चेत आला आहे. हा एक चित्रपट रोमँटिक कॉमेडी आहे. ज्यात नवाझुद्दीन पहिल्यांदाच एका रोमँटिक अंदाजात दिसणार आहे. यापूर्वी त्यानं काही चित्रपटातून तशी भूमिका केली आहे. मात्र हा चित्रपट पूर्णपणे रोमँटिक विषयावर आधारित आहे. त्याच्या जोडीला नेहा शर्मा अभिनेत्री दिसणार आहे. या सेलिब्रेटींचे कपल्स व्हायरल होताना दिसत आहे.

Also Read - Fatty Liver Disease: संतुलित आहारातून रोखा फॅटी लिव्हरचा आजार

जोगीरा सा रा रा चा ट्रेलर व्हायरल झाला आहे. त्यानंतर चाहत्यांच्या कमेंटस येत आहेत. त्यात नवाझुद्दीनवर कौतूकाचा वर्षाव होतो आहे. अभिनेत्यानं माध्यमांशी बोलताना दिलेली प्रतिक्रिया चर्चेत आली आहे. नवाजनं यापूर्वी एका सायको किलरची, तृतीयपंथीय व्यक्तीची, कधी कुख्यात गुंडाची, कधी राजकारण्याची, अशा वेगवेगळ्या भूमिकेत तो दिसला आहे. आणि त्याला चाहत्यांनी भरभरुन प्रतिसाद दिला आहे. एक कलाकार म्हणून मला नेहमीच वेगवेगळ्या भूमिका करण्याची संधी मिळाली. आणि मी त्याचा उपयोग करुन घेतला आहे.

एकाच टाईपची भूमिका करणं हे माझ्यासाठी फार कंटाळवाणे काम आहे. आणि मी ते का करायचे हा मोठा प्रश्न आहे. मला जर कुणी एकाच टाईपच्या भूमिका करण्याची अट ठेवली तर ती मी मान्य करणार नाही. तो काही माझ्या स्वभावाचा भाग नाही. मला भलेही कुणी असं म्हणालं की, तुम्ही आम्ही सांगू त्याच भूमिका सातत्यानं करा, तुम्ही सुपरस्टार व्हाल, तर मी ती भूमिका करेल पण स्वताच्या डोक्यात गोळी मारुन घेईल. असं मत नवाझुद्दीननं व्यक्त केलं आहे.

गेल्या काही दिवसांपासून वेगवेगळ्या कारणांमुळे चर्चेत आला आहे. त्याच्या वैयक्तिक आयुष्यात वाद सुरु झाला आहे.त्यामुळे त्याला नेटकऱ्यांनी धारेवर धरले आहे. मात्र यासगळ्यात त्याचे आगामी काळात विविध विषयांवरील चित्रपट प्रदर्शित होणार असून तो सध्या त्यात व्यस्त असल्याचे दिसून आले आहे.