Priyanka Chopra & Nick Jonas Move Out Of Their ₹166 Crore LA : प्रसिद्ध अभिनेत्री प्रियंका चोप्रा ही आता ग्लोबल स्टार झाली आहे. तिनं केवळ बॉलीवूडच नाही तर हॉलीवूडमध्ये देखील स्वताच्या नावाची वेगळी ओळख तिनं निर्माण केली आहे. प्रियंकानं हॉलीवूडचा प्रसिद्ध गायक निक जोनाससोबत लग्न केलं आणि ती अमेरिकेत स्थायिक झाली.

आता प्रियंकाच्या बाबत एक मोठी बातमी समोर आली आहे. प्रियंकानं तिनं ज्या एजंटकडून घर घेतले होते त्याच्याविरोधात पोलिसांकडे तक्रार केल्याची बातमी समोर आली आहे. प्रियंकानं तब्बल १६६ कोटी रुपये मोजून नवीन घर खरेदी केले होते. मात्र त्या घराला काय ग्रहण लागले हे माहिती नाही. त्या घरात पाण्याची गळती सुरु झाल्याचे प्रियंकाचे म्हणणे आहे. या प्रकारामुळे प्रियंका आणि निकला त्यांचे राहते घर सोडावे लागले आहे.

सुत्रांनी दिलेल्या माहितीनुसार, प्रियंकाच्या दुसऱ्या नव्या घराचे काम सुरु असताना तिथे तिला मुलगी मालतीसह राहायला जावं लागलं आहे. फ्री प्रेसनं याबाबत सविस्तर वृत्त दिलं आहे. प्रियंकानं देखील जो प्रकार झाला तो खूपच भयानक असल्याचे म्हटले आहे. खरं तर गेल्या वर्षीच्या मे मध्ये संबंधित एजंटच्या विरोधात कोर्टात केसही दाखल करण्यात आली आहे. प्रियंकाच्या घरातील जो स्विमिंग पूल आणि स्पा एरिया आहे त्यामध्ये गळती सुरु असल्याचे समोर आले आहे.

त्या गळतीमुळे प्रियंकाच्या घरातील इंटेरियरचे नुकसान झाल्याचे दिसून आले आहे. अशा घरामध्ये राहणे हे आरोग्याच्या दृष्टीनं देखील धोकादायक असल्याचे प्रियंकानं म्हटले आहे. कोर्टानं देखील या घटनेची गंभीरतेनं दखल घेतली आहे. त्यांनी म्हटले आहे की, प्रथमदर्शनी तरी घराची दुरावस्था झाल्याचे दिसत आहे आणि हे प्रकरण गंभीर आहे. संबंधित एजंटनं तक्रारदारांना भरपाई आणि डागडुजी करुन देणे गरजेचे आहे.

सप्टेंबर २०१९ मध्ये प्रियंकानं २० मिलियन डॉलर अर्थात १६६ कोटी रुपयांचे अलिशान घर खरेदी केले. त्यात सात बेडरुम्स, नऊ बाथरुम्स, किचन, टेम्परेचर कंट्रोल वाईन रुम आणि इनडोअर बास्केटबॉल कोर्ट, होम थिएटर, स्पा, स्टीम शॉवर आणि जीम यांचा समावेश आहे.