Raavsaheb Teaser News: रावसाहेब सिनेमाचा टीझर भेटीला आलाय. अभिनेत्री मुक्ता बर्वे सिनेमात पोलिस अधिकाऱ्याच्या भूमिकेत दिसतेय.

या सिनेमाचा टीझर प्रेक्षकांच्या भेटीला आला असुन. टीझर पाहून विषयाचा अंदाज येत नसला तरीही सिनेप्रेमींना काहीतरी जबरदस्त पाहायला मिळणार यात शंका नाही.

(raavsaheb movie teaser starring mukta barve sonalee kulkarni mrunmayee deshpande)

रावसाहेब सिनेमाच्या टीझरमध्ये काय?

रावसाहेब सिनेमाच्या टीझरमध्ये पाहायला मिळतंय की, मुक्ता बर्वे, सोनाली कुलकर्णी, मृण्मयी देशपांडे आणि जितेंद्र जोशी हातात मशाल घेऊन घनदाट जंगलात दिसत आहेत.

मुक्ता, जितेंद्र, मृण्मयी पोलिसाच्या वेशात दिशेत आहेत. सर्वांसमोर काहीतरी आहे त्याच्याविरुद्ध हे सर्व आक्रमक पवित्रा घेऊन उभे आहेत. अशातच शेवटी जंगलात वाघाची पावलांचे ठसे उमटलेले दिसतात. एकूणच रावसाहेबचा टीझर पाहून अंगावर काटा उभा राहतो.

देशाची सिस्टीम बिघडली की सिस्टीमचं जंगल होतं… अशी सिनेमाची हटके टॅगलाईन आहे.

रावसाहेब कधी रिलीज होणार?

प्लॅनेट मराठीने रावसाहेब सिनेमाची निर्मिती केलीय. गोदावरी सिनेमाचा दिग्दर्शक निखिल महाजनने सिनेमाचं दिग्दर्शन केलंय.रावसाहेब सिनेमाची रिलीज डेट जाहीर झाली नसली तरीही सिनेमा लवकरच सिनेमागृहांमध्ये पाहायला मिळणार आहे.

सिनेमात मुक्ता बर्वे, सोनाली कुलकर्णी, मृण्मयी देशपांडे, जितेंद्र जोशी, प्रियदर्शन जाधव, रश्मी अगडेकर असे तगडे कलाकार झळकणार आहेत.