राजस्थानमधील (Rajasthan) काँग्रेस नेते सचिन पायलट (Sachin Pilot) यांनी गायलेलं एक गाणं सोशल मीडियावर (Social Media) चांगलंच व्हायरल झालंय. या गाण्याचे बोल आहेत, 'जीना यहाँ मरना यहाँ, इसके सिवा जाना कहाँ' हे गाणं सचिन पायलट यांनी एका चॅरिटी कार्यक्रमात गायलं होतं. हे चित्रपटगीत असलं, तरी राजकारणाशी निगडीत असलेल्या व्यक्तीचं प्रत्येक पाऊल राजकारणाशी जोडताना दिसतंय. अशा स्थितीत पायलट यांनी हे गाणं गाऊन कोणते संकेत दिलेत, अशी अटकळ बांधली जातेय.

खरं तर सचिन पायलट यांना अलीकडेच संस्थेशी संबंधित मोठ्या जबाबदाऱ्या मिळाल्या आहेत. अशा स्थितीत पायलट यांना राजस्थानपासून दूर जावं लागेल, अशी चर्चा राजकीय वर्तुळात सुरु होती. तर, दुसरीकडं राजस्थानमध्ये गेहलोत-पायलटमध्ये (Ashok Gehlot) सर्व काही सुरळीत चाललेलं दिसत नाहीय. मात्र, अलीकडेच एका कार्यक्रमादरम्यान सचिन पायलट यांनी सांगितलं, की मी पुढील 50 वर्षे कुठेही जाणार नाही. या सगळ्यात एका जाहीर कार्यक्रमात गायलेलं त्यांचं गाणंही याच्याशी जोडलं गेलंय.

सचिन पायलट यांनी त्यांच्या ट्विटर अकाउंटवर या गाण्याची क्लिप शेअर करताच, ती व्हायरल झालीय. पायलट यांचे चाहते त्याच्या कौशल्याचं खूप कौतुक करताना दिसताहेत. पायलटांनी शेअर केलेली ही व्हिडिओ क्लिप आतापर्यंत जवळपास 60 हजार लोकांनी पाहिलीय. सचिन यांचं गाणं ऐकून तिथं उपस्थित लोकांनीही खूप एन्जॉय केल्याचं व्हिडिओमध्ये दिसतंय.