बिग बॉस ओटीटी आणि बिग बॉस सिझन १५ नंतर राकेश बापट(Raquesh Bapat)-शमिता शेट्टी(Shamita Shetty) यांचे नाते भलतेच चर्चेत आले होते. कितीतरी वेळा दोघांमध्ये दुरावा आल्याच्या बातम्या समोर आल्या होत्या. अनेकदा ते वेगळे झाल्याचे दावे केले गेले. त्यानंतर कळलं की दोघं एकमेकांपासून अखेर वेगळे झाले आहेत. पण ही कन्फर्म बातमी समोर आल्यानंतर राकेश बापटला खूप विचित्र प्रश्नांचा सामना करावा लागला. ब्रेकअप(Breakup) संदर्भात ट्रोलर्सनी विचारलेल्या त्या सगळ्या प्रश्नांना आता राकेशनं तिखट शब्दात उत्तरं दिली आहेत.(Raqesh Bapat Answers Trolls Questioning Him On Shamita Shetty)

राकेश बापटनं एक पोस्ट शेअर केली आहे,ज्यामध्ये त्याने शमिता शेट्टीसोबतच्या ब्रेकअप बाबत विचारल्या गेलेल्या प्रश्नांना उत्तर दिलं आहे. त्यानं एक प्रकारे ट्रोलर्सवर पलटवार केला आहे. राकेश बापटने आपल्या पोस्टला एक लांबलचक कॅप्शन दिलं आहे. ज्यामध्ये त्याने त्या सगळ्या प्रश्नांची उत्तरं दिली आहेत.

राकेश बापटने आपला एक शर्टलेट फोटो शेअर करत लिहिलं आहे,''कोण कोणाला डेट करतो? कोणी कोणाला फसवलं? कोणी काय घातलंय? कोणाचं कुटुंब चांगलं आहे,कोणाचं वाईट? कोण कोणाचं समर्थन करतोय? त्याविरोधात जर आपण ''माझं जन्माला येण्याचं कारण काय आणि मी काय देणं लागतो या देशाचं,जगाचं? माझं आयुष्यातलं व्हिजन काय आहे? माझं ध्येय काय आहे? आपण प्रश्न विचारण्याची पद्धत बदलू शकतो का? मी नंतर जे बोललो ते थोडं कठीण आहे. पण बदलून बघा''.

राकेश बापटने ट्रोलर्सला म्हटलं आहे की,''कृपया मी जे नंतर म्हणालोय तसं वागण्याचा प्रयत्न नक्की करा,जर तुमचं माझ्यावर प्रेम असेल तर. जर आपण तसं वागाल तर तुम्हालाही त्याच प्रकारे प्रेम परत मिळेल''. राकेशच्या यो पोस्टवर नेहा भसीनने प्रतिक्रिया नोंदवत ट्रोलर्सला नकळत सुनावलं आहे. तिनं लिहिलं आहे,''जे तोंडात येईल ते प्रत्येक वेळेला बोलायचं,एवढंच येतं''. नेहाच्या या प्रतिक्रियेवरनंही तिनं ट्रोलर्सवरच निशाणा साधल्याचं कळत आहे.