Riteish Deshmukh Video On Ganesh Chaturthi 2023: आज गणेश चतुर्थी देशभरात मोठ्या थाटामाटात साजरा केली जात आहे. दरवर्षीप्रमाणे यंदाही गणपती बाप्पा आपल्या भक्तांच्या घरी विराजमान झाले आहेत. 10 दिवस आता बाप्पा आपल्या लाडक्या भक्ताच्या घरी राहतील. सर्वसामान्यांपासून तर बॉलिवूड स्टारपर्यंत सर्वच मोठ्या थाटामाटात बाप्पाला अपल्या घरी आणतात.

दरम्यान अभिनेता रितेश देशमुख आणि जिनिलिया यांनी देखील थाटामाटात गणपती बाप्पा आपल्या घरी आणला मात्र यावेळी त्यांनी असं काही केलं की नेटकरी थक्क झाले आहेत.

रितेश आणि जिनिलिया या दोघांनी मुलांवर खुप चांगले संस्कार केले आहेत. आता रितेश आणि जिनिलिया यांची मुलं रिआन आणि राहील यांचा एक व्हिडिओ समोर आलाय. रितेशने त्याच्या दोन्ही मुलांचा एक व्हिडिओ सोशल मीडियावर शेयर केला आहे. या व्हिडिओत रितेशची मुलं रिआन आणि राहील दोघेही गणरायाची आरती म्हणतांना दिसत आहे. त्याचबरोबर या दोघांनी खास गणपती बाप्पादेखील तयार केला आहे.

या व्हिडिओ रितेश आणि जिनिलिया, रिआन आणि राहील आणि बाकी मंडळी भंगाराला रिसायकल करुन त्याद्वारे बाप्पा बनवत आहेत. इतकच नाही तर या व्हिडिओत रिआन आणि राहील गणरायाची 'सुख करता दुख हर्ता, वार्ता विघ्नाची' पुर्ण आरती देखील म्हणत आहेत. व्हिडिओच्या शेवटी सुंदर गणरायाची प्रतिमा देखील ते तयार करतात.

या व्हिडिओच्या कॅप्शनमध्ये रितेश लिहितो, गणपती बाप मोरया !! गणेश चतुर्थीच्या हार्दिक शुभेच्छा! दरवर्षी आपण स्वतःचा इको फ्रेंडली गणेश बनवतो. रियान आणि राहिल यांचा आग्रह आहे की आम्ही भंगारातून रिसायकल केलेला बाप्पा बनवतो!!! हे एकत्र करण्यात आम्हाला खूप छान वेळ मिळाला..."

देशमुख कुटूबांचा हा व्हिडिओ सोशल मीडियावर वेगानं व्हायरल होत आहे. पुन्हा एकदा नेटकरी रिआन आणि राहीलचे फॅन झाले आहेत. व्हिडिओच्या कमेंटमध्ये त्यांनी रिआन आणि राहीलचं खुप कौतुक केलं आहे.