मुंबई : बाॅलीवूडचा किंग ऑफ रोमान्स म्हणून प्रसिद्ध असलेला अभिनेता शाहरुख खानने पुन्हा एकदा चाहत्यांचे मने जिंकली. त्याने मुलासह ईदनिमित्त चाहत्यांना शुभेच्छा दिल्या. शाहरुख खान (Sharukh Khan) ईदच्या विशेष प्रसंगी छोटा मुलगा अब्रम खानसह 'मन्नत' या आपल्या घराच्या बालकनीत येऊन चाहत्यांना अभिवादन केले. दोघाही बापलेकाचे छायाचित्रे आणि व्हिडिओज् मोठ्या प्रमाणावर व्हायरल होत आहेत. (Shahrukh Khan And Abram Khan Pictures On Eid Goes Viral)

शाहरुख अब्रमचा लूक

ईद (Eid) आणि वाढदिवसाच्या दिवशी शाहरुख खानच्या मन्नत या घराबाहेर चाहते मोठ्या संख्येने जमा होतात. येथे किंग खान आपल्या चाहत्यांना अभिवादन करुन शुभेच्छा देतो व घेतोही. यावेळीही शाहरुख खान ईदनिमित्त चाहत्यांसमोर आला. याप्रसंगी त्याच्याबरोबर अब्रमही होता. छायाचित्रांमध्ये वडील शाहरुखप्रमाणे अभिवादन करताना अब्रम दिसत आहे. सोशल मीडियावर शाहरुख-अब्रमचे छायाचित्रे व व्हिडिओ मोठ्या प्रमाणावर व्हायरल होत आहेत.

बऱ्याच काळानंतर चित्रपटात दिसणार

शाहरुख खान हा 'पठाण' या चित्रपटातून पुनरागमन करत आहे. पठाण जानेवारी २०२३ मध्ये प्रदर्शित होणार आहे. चित्रपटात जाॅन अब्राहम आणि दीपिका पदुकोणही मुख्य भूमिकेत दिसणार आहे.