Shraddha Arya comment on Dalai Lama Kiss Controversy : मनोरंजन विश्वातील सेलिब्रेटी कधी कधी असं काही बोलून जातात त्याचे पडसाद मोशल मीडियावर उमटल्याचे दिसून येते. यापूर्वी देखील काही प्रसिद्ध सेलिब्रेटी यामुळे गोत्यात आल्याचे दिसून आले आहे. आता टीव्ही मनोरंजन विश्वातील श्रद्धा आर्या चर्चेत आली आहे.

काही दिवसांपासून तिबेटियन धर्मगुरु दलाई लामा हे त्यांच्या एका विधानामुळे चर्चेत आले होते. व्हायरल झालेल्या त्या व्हिडिओमुळे त्यांच्यावर सोशल मीडियातून मोठ्या प्रमाणात टीका करण्यात आली होती. त्यावर त्यांनी पुन्हा प्रतिक्रिया व्हायरल झाली आहे. यावर श्रद्धा आर्याची प्रतिक्रिया व्हायरल झाली होती. तिनं मात्र आपल्यावर झालेल्या टीकेनंतर वेगळीच भूमिका घेतली आहे.

Also Read - Types of Vedas: वेदांचे प्रकार

श्रद्धाला नेटकऱ्यांची माफी मागावी लागली आहे. श्रद्धानं इंस्टावर एक लांबलचक पोस्ट लिहिली होती. त्यामध्ये तिनं म्हटलं होतं की, माझ्याविरोधात आता काही लोकं भलतंसलतं लिहू लागली आहेत. मी त्यांना ओळखतही नाही. मी काही कुणाविषयी, कुणाच्या धर्माविषयी लिहिलेलं नाही. माझा कोणताही धर्मही नाही. तेव्हा लोकांनी मला ट्रोल करणे थांबवावे.

त्याचे झाले असे की, काही दिवसांपूर्वी दलाई लामा यांचा एक व्हिडिओ व्हायरल झाला होता. त्यामध्ये दलाई लामा यांनी एका मुलाला जे सांगितले त्यावरुन त्यांच्यावर कडाडून टीका झाली होती. यावर श्रद्धानं दलाई लामा यांच्यावर कठोर शब्दांत टीका केली होती. आपल्या देशामध्ये अल्पवयीन मुलांवर होणाऱ्या अन्याय, अत्याचाराच्या गोष्टी थांबण्याचे नाव घेत नाही. त्यात पुन्हा अशा गोष्टी घडत आहेत. याविषयी आपण काय बोलावे, असा प्रश्न श्रद्धानं विचारला होता.

आता श्रद्धानं आपण जे काही बोललो त्यातून कुणाच्याही भावना दुखावायच्या नव्हत्या. असे म्हटले आहे. लोकांनी मला चुकीच्या पद्धतीनं बोलण्यास सुरुवात केली आहे. जे काही होते आहे त्याविषयी आपण काहीच बोलायचे नाही, कुणाला आपल्या बोलण्यामुळे त्रास झाला असल्यास आपण माफी मागतो. असेही तिनं म्हटले आहे.