औरंगाबाद: सिडकोतील वसंतराव नाईक चौकात एक महिंद्रा कंपनीची एक कार बेवारसपणे कालपासून उभी होती. याविषयी बॉम्ब शोधक विथ पथकाकडे कॉल आला त्यानुसार बॉम्बशोधक पथक घटनास्थळी दाखल झाले आहे. तपास पथकाने कारची तपासणी केली मात्र कारमध्ये काही आढळून आलेले नाही.

वसंतराव नाईक चौकाचे उड्डाणपुलाखाली बेवारसरित्या एक महिंद्रा कंपनीची कार (एम. एच. 16 ए. टी. 6024) क्रमांकाची कार बेवारसपणे आढळून आली. शोधक पथकाने घटनास्थळी येत पुर्ण डॉग स्कॉडसह कारची तपासणी केली मात्र कारमध्ये काही आढळून आले नाही. त्यामुळे सर्वांनी सुटकेचा निश्वास सोडला आहे. दरम्यान याची माहिती बॉम्बशोधक पथकाचे राजू घाटे यांनी दिली.

मागील दोन दिवसांपासून बेवारसरित्या ही कार सिडकोतील वसंतराव नाईक चौकातील उड्डाणपुलाखाली उभी होती. ही कार संशयास्पद असल्याची माहिती काही नागरिकांनी पोलिसांना कळवल्यानंतर तात्काळ बॉम्बशोधक पथक तेथे आले होते. बॉम्बशोधक पथकाने कारच्या काचा फोडून पूर्ण तपासणी केली मात्र यात काहीच आढळून आले नाही.

या कारवाईसाठी बॉम्बशोधक (बीडीडीएस) पथकाचे राजू घाटे, श्वान झेब्रा आणि टीम यांनी पुढाकार घेतला. पुढील कारवाईसाठी ही कार एमआयडीसी पोलिस ठाण्याच्या ताब्यात देण्यात आली आहे, अशी माहिती बॉम्बशोधक पथकातर्फे देण्यात आली.

(बातमीदार- प्रकाश बनकर)