Chhatrapati Sambhaji Nagar : कृषिमंत्री अब्दुल सत्तार यांची मंत्रिपदावरून तत्काळ हकालपट्टी करावी, या मागणीसाठी सिल्लोड तालुक्यातील विविध तक्रारदार, अन्यायग्रस्त, पीडित आणि त्रस्त नागरिकांनी शहरातील क्रांती चौक येथे मंगळवारी आंदोलन केले.

आंदोलनकर्ते महेश शंकरलाल शंकरपेल्ली, गजानन अप्पाराव गोराडे, आशाबाई धोंडू बोराडे, तय्यब बडे मियाखां पठाण, मुक्तार सतार बागवान, शकील साहेबखां पठाण, कृष्णा कडुबा कापसे, संजय माणिकराव निकम, भगवान सुखदेव जिवरग, सुनील प्रभाकर मिरकर, मनोज गंगाराम मोरेल्लू, कमलेश गोविंदराम कटारिया,

विष्णू गंगाराम काटकरसह जवळपास ६० ते ७० जणांनी अब्दुल सत्तार यांच्यावर गैरव्यवहाराचे आरोप लावत आंदोलन केले. आंदोलनकर्त्यांनी त्यांचे प्लॉट, मालमत्ता, बळकावल्याचा आरोप करत तालुक्यात मोठमोठे अवैध बांधकामे करून शासनाचा महसूल बुडविला.