Sambhaji Nagar : कर्जबाजारीपणाला कंटाळून शेतकऱ्याची आत्महत्या

Sambhaji Nagar - तालुक्यातील वानेगाव येथील शेतकऱ्याने कर्जबाजारीपणाला कंटाळून विहिरीत उडी घेऊन आत्महत्या केल्याची घटना सोमवारी घडली. गिरधर लक्ष्मण गायकवाड (७२) असे मृताचे नाव आहे.

शेतकरी गिरधर गायकवाड यांच्याकडे केवळ तीन एकर शेती आहे. त्यांनी २०२० मध्ये फुलंब्री तालुक्यातील देवगिरी नागरी बँकेकडून सव्वा लाखाचे कर्ज घेतलेले होते. मात्र, निसर्गाच्या अवकृपेने शेतीतून फारसे उत्पन्न मिळाले नाही. त्यामुळे त्यांची आर्थिक स्थिती खालावून कर्जाचा डोंगर वाढत चालला होता.

त्यामुळे त्यांनी स्थानिक सोसायटीचे ६५ हजार रुपये कर्ज घेतले होते. अशातच कर्जाची रक्कम न भरल्याने देवगिरी बँकेने वसुलीची नोटीस पाठविली होती. या नोटीसवरून गिरधर अडचणीत सापडले होते. कर्ज फेडता येत नसल्याने त्यांनी टोकाची भूमिका घेत सोमवारी घराजवळील विहिरीत उडी मारून आपली जीवनयात्रा संपवली. महसूल विभागाने घटनेचा पंचनामा केला आहे. गिरधर यांच्या पश्चात पत्नी, एक मुलगा, चार मुली, सुना नातवंडे असा परिवार आहे.

अधिकाऱ्यांनी दिले लेखी पत्र

पालकांची संतप्त भूमिका आणि त्यांच्या मागणीचा गांभीर्याने विचार अखेर शिक्षण विभागाला करावा लागला आहे. शिक्षण विभागाने सद्यस्थितीला तात्पुरते शिक्षकाची नियुक्ती केल्याचे पालकांना सांगितले. तसेच लवकरच कायमस्वरूपी शिक्षकाची नेमणूक केली जाईल, अशा आशयाचे लेखी पत्रही विभागाने पालाकांना दिले आहे.