बीड : ऊसतोड मजुरांच्या दरवाढ प्रश्नी संप सुरु असून आतार्यंत चार वेळा साखर संघासोबत बैठका झाल्या. मात्र, त्यात कुठलाही तोडगा नाही. आगामी बैठकीसाठी राष्ट्रवादीचे नेते शरद पवार यांच्यासह शिक्षणमंत्री, कामगार मंत्री यांना बोलवावे, अशी भूमिका ऊसतोड मजूर-मुकादम समन्वय संघर्ष समितीने शनिवारी (ता. २४) पत्रकार परिषदेत मांडण्यात आली.
तोडगा निघेपर्यंत मजूरांना कोयता घेऊ देणार नाही, असा इशाराही यावेळी देण्यात आला. माजी मुख्यमंत्री देवेंद्र फडणवीस यांनी २० टक्के आणि गेल्या वर्षी दसरा मेळाव्यात पंकजा मुंडे यांनी पाच टक्के दरवाढीची घोषणा केली. मात्र, ऊसतोड मजुरांना अद्यापही रक्कम मिळाली नाही असे सुशिला मोराळे यांनी सांगितले.
आता पर्यंतच्या बैठकांमध्ये दरवाढीबाबत ठोस निर्णय नसल्याने संप सुरु असून भविष्यात आंदोलन तीव्र करू असेही यावेळी सांगितले. आगामी बैठकीसाठी शरद पवार, शिक्षणमंत्री, कामगारमंत्री, सहकारमंत्री यांना आमंत्रित करावे. तरच काहीतरी तोडगा निघेल असा विश्वास मोराळे यांनी व्यक्त केला. पत्रकार परिषदेला मोहन जाधव, दादासाहेब मुंडे, संजय तांदळे यांची उपस्थिती होती.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.