परळी वैजनाथ (जि.बीड) : येथील पूजा चव्हाण या तरुणीच्या मृत्यू प्रकरणी सीबीआय चौकशी करावी अशी मागणी भूमाता ब्रिगेडच्या तृप्ती देसाई यांनी शनिवारी (ता.२०) दुपारी पुजा चव्हाणच्या वसंतनगर तंड्यावरील घरी भेट दिल्यानंतर केली आहे.

वाचा - एका उंदरामुळे औरंगाबादला ३२ तासानंतर सुरु झाला पाणीपुरवठा! नागरिकांची पाण्यासाठी ओरड

गेल्या अनेक दिवसांपासून राज्यात चर्चेत असलेले पुजा चव्हाण प्रकरण. या प्रकरणाला दोन आठवडे झाले तरी अजून गुन्हा दाखल झालेला नाही. दोन दिवसांपूर्वी दोघांना अटक केल्याची चर्चा आहे. तालुक्यातील वसंतनगर तंड्यावरील पुजा चव्हाण हिच्या घरी शनिवारी भूमाता ब्रिगेडच्या तृप्ती देसाई यांनी तिचे वडील लहू चव्हाण यांची भेट घेतली, त्यांचे सांत्वन केले. यावेळी बोलताना तृप्ती देसाई यांनी सांगितले की, पुजाला न्याय मिळाला पाहिजे. राज्याचा मंत्री असा एवढे दिवस गायब कसा होवू शकतो. पुजा चव्हाणच्या मृत्यूची सीबीआय मार्फत चौकशी करून दोषींवर कडक कारवाई झाली पाहिजे. व पुजाला न्याय मिळाला पाहिजे. या प्रकरणातील सत्य बाहेर आले पाहिजे. पुजाला जोपर्यंत न्याय मिळत नाही, तोपर्यंत मी  लढणार असल्याचे श्रीमती देसाई यांनी यावेळी सांगितले.

Edited - Ganesh Pitekar