हिंगोली : हिंगोली येथे एका खासगी रुग्णालयाच्या उद्घाटन कार्यक्रमासाठी रविवारी (ता.१९) राज्याचे आरोग्य मंत्री राजेश टोपे (Health Minister Rajesh Tope) आले असता येथील शासकीय विश्रामगृहात त्यांना भेटण्यासाठी झालेली गर्दी पाहत मंत्री महोदयांनी हात जोडून सर्वाना गर्दी करू नका असे म्हणाले. त्यानंतर पोलिसांनी येथे आलेल्यांना बाहेर काढले. राज्यात कोरोनाच्या तिसऱ्या लाटेची शक्यता आरोग्य तज्ज्ञांनी वर्तविला आहे. मात्र नागरिकांचा बेजबाबदारपणे वागत आहेत. आज हिंगोलीत (Hingoli) राज्याचे आरोग्य मंत्री राजेश टोपे यांच्या स्वागतासाठी शासकीय विश्रागृहात मोठी गर्दी झाली होती.

आरोग्य मंत्री टोपे हिंगोलीत एका खासगी रुग्णालयाचे उद्घाटन करण्यासाठी आले असताना शासकीय विश्रामगृहात त्यांच्या स्वागतासाठी गर्दी पाहत ही गर्दी कमी करण्यासाठी राजेश टोपे यांनी नागरिकांना हात जोडून विनंती केली व गर्दी करु नका असे म्हणाले. मात्र येथून गर्दी काही हटेना. शेवटी पोलिसांनी नागरिकांना ओढून बाहेर काढले. यावेळी कार्यकर्त्यांनी नियम मोडत शासकीय विश्रागृहात मोठी गर्दीने केली होती.