Mumbai Car Accident News : मुंबई-अहमदाबाद महामार्गावर भीषण अपघात झाला. अतिवेगामुळे चालकाचे वाहनावरील नियंत्रण सुटले आणि कार थेट डिव्हायडरला जाऊन धडकली. हा भीषण अपघात सकवार गावाच्या हद्दीत झाला असून या अपघातात मुंबईतील दोघांचा मृत्यू झाला आहे. दोघे गंभीर जखमी असून जखमींची प्रकृती चिंताजनक आहे. त्यांना उपचारासाठी रुग्णालयात दाखल केले आहे. मिरा रोडच्या खासगी रुग्णालयात त्यांच्यावर उपचार सुरु आहे.

अतिवेगामुळे चालकाचे नियंत्रण सुटल्याने हा अपघात झाला आहे. अपघातामध्ये प्रभादेवी येथे राहणारे अशोक मुसळे (७१), रमेश मुसळे (५१), माधुरी मुसळे (५०) आणि रुचिक देसाई (३०) हे चौघे मुंबई अहमदाबाद महामार्गावरून पालघरला (Palghar) कारने जात होते. सकवर गावाच्या हद्दीतील पेट्रोल पंपापासून ४०० मीटर अंतरावर चालकाचे वाहनावरील नियंत्रण सुटल्याने कर थेट डिव्हायडरला धडकली. या अपघातात कारचे मोठ्या प्रमाणात नुकसान झाले आहे.

अपघातात जखमी झालेल्या २ जणांना तत्काळ रुग्णालयात उपचारासाठी दाखल करण्यात आले. उपचारादरम्यान रमेश मुसळे (५१) आणि रुचिक देसाई (३०) या दोघांचा मृत्यू झाला. तर अशोक मुसळे (७१) आणि माधुरी मुसळे (५०) या दोघाची प्रकृती चिंताजनक असल्याने पुढील उपचारासाठी मीरा रोड च्या खासगी रुग्णालयात दाखल करण्यात आले आहे.