Amdarnath News : गेल्या काही आठवड्यांपासून मुंबईसह आजूबाजूच्या जिल्ह्यांमध्ये मोठ्या प्रमाणावर पाऊस कोसळत आहे. यामुळे मुंबईकर सुट्टीच्या दिवशी घराबाहेर पडून फ्रेश होण्याचा आनंद घेऊ इच्छित आहेत. अश्यावेळी त्यांच्यासाठी मुंबई जवळचा अजून एक स्पॉट खुला झाला आहे.

अधिक माहिती अशी की, ठाणे जिल्ह्यातील अंबरनाथ तालुक्यातील पर्यटन क्षेत्रांवर बंदी आदेश मागे घेण्यात आले असल्याची महिती समोर येत आहे.

अंबरनाथ तालुक्यातील सर्व पर्यटक स्थळ पुन्हा सुरू होणार आहेत. पावसाळी पर्यटन स्थळांवरील बंदी हटवण्यात आली आहे. भाजप आमदार किसन कथोरे यांनी याची मागणी केली होती. त्यांच्या मागणीला यश आलं आहे.

अंबरनाथ तालुक्यातील सर्व पर्यटन स्थळांवर 30 ऑगस्टपर्यंत मनाई आदेश लागू करण्यात आले होते. मात्र आमदारांनी बंदी हटवण्याची मागणी ठाणे जिल्हाधिकाऱ्यांकडे केली होती.आता बंदी हटवण्याचे आदेश देण्यात आले आहेत.

अंबरनाथ तालुक्यात कोंडेश्वर, बारवी नदी, चिखलोली, मलंगगड परिसर अशी अनेक पर्यटन क्षेत्र आहेत. पावसाळ्यात मुंबई, ठाणे आणि जवळपासच्या भागातून याठिकाणी मोठ्या संख्येनं येत असतात.

का घातली होती बंदी

याठिकाणी दरवर्षी पाण्याचा अंदाज न आल्याने अनेक पर्यटकांचा मृत्यू होतो, तर अनेक अपघातही घडतात. यामुळे पावसाळी पर्यटन स्थळांवर बंदी घालण्यात आली होती.