मुंबईतील कुर्ला परिसरात ईडीची छापेमारी सुरु झाली आहे. गोवावाला कॉम्प्लेक्स परिसरात ही छापेमारी सुरु आहे. नवाब मलिक यांच्याशी संबंधीत या सर्व मालमत्ता असल्याचं समजतंय. एकूणच या सर्व कारवाईवरुन नवाब मलिक यांच्या अडचणीत वाढ होण्याची शक्यता आहे. यावेळी ईडीच्या अधिकाऱ्यांसह सीआरपीएफ जवान देखील कुर्ल्यात दाखल झाले आहेत.

मुंबईतील एलबीएस रोडवरील गोगावाला कॉम्प्लेक्स येथे आज सकाळीच ईडीचं पथक दाखल झालं होतं. तर दुसरीकडे मुंबईच्या एका बड्या बांधकाम व्यावसायिकांच्या संपत्तीवर देखील छापेमारी सुरु आहे. एवढंच नाही तर आयकर विभागाकडून मुंबई, बंगळुरु आणि चेन्नई मधील 24 ठिकाणांवर शोध मोहीम राबवण्यात येत आहे. एका प्रसिद्ध विकासकासंदर्भात ही कारवाई सुरु असल्याची माहिती मिळतेय.