ठाणे : एका तरुणानं पत्नीसह दोन लहान मुलांची हत्या केल्यानं ठाणे शहर हादरलं आहे. कुटुंबातील तिघांची हत्या करुन हा तरुण फरार झाला आहे. दारुच्या व्यसनानं ग्रासलेल्या या तरुणानं स्वतःचच कुटुंब संपवलं आहे, त्यामुळं सर्वत्र संताप व्यक्त केला जात आहे. (Husband kills wife and two children Outrageous incident in Thane)

लाकडी बॅटनं केली मारहाण

माध्यमातील वृत्तानुसार, अमित धर्मवीर बागडी असं आरोपीचं नाव असून त्यानं आपल्या २४ वर्षीय पत्नीची आणि ८ वर्षीय मुलगी आणि १० वर्षीय मुलाची हत्या केली. लाकडी बॅटनं मारहाण करत त्यानं या तिघांची हत्या केली आहे. (Marathi Tajya Batmya)

ठाण्याजवळील कासारवडवली इथं ही घटना घडली. दारुच्या व्यसनाच्या आहारी गेलेल्या पतीला अर्थात अमित बागडी याला कंटाळून त्याची पत्नी त्याच्याजवळ राहत नव्हती. पत्नी आपल्यासोबत राहत नसल्याच्या रागातूनच त्यानं थेट ती राहत असलेल्या ठिकाणी जाऊन हे माणुसकीला काळीमा फासणारं कृत्य केलं आहे. (Latest Marathi News)

आरोपी फरार

तिघेही रक्ताच्या थारोळ्यात पडलेले आढळून आल्यानं पोलिसांना याची खबर मिळाल्यानंतर ते घटनास्थळी दाखल झाले. त्यानंतर पोलीस आता पुढील तपास करत आहेत, पण आरोपी कुटुंब प्रमुख सध्या फरार झाला आहे.