कांद्याबाबत संसदेत झालेली चर्चा आपण सर्वांनीच पाहिली. त्यानंतर निर्मला सितारमण यांनी दिलेल्या उत्तरावरून त्यांना सर्व समाज माध्यमांवर त्यांना ट्रोल देखील करण्यात आलं.

अशातच कांद्याच्या मुद्द्यावर केंद्र सरकार लवकरच मोठा निर्णय घेणार असल्याची महिती समोर येतेय. सरकारंच शेतकऱ्यांकडून मोठ्या प्रमाणात कांदा खरेदीची शक्यता वर्तवली जातेय. सध्या कांद्याचे दर गगनाला भिडले आहेत. हे दर नियंत्रित करण्यासाठी सरकारकडून पावलं उचलणार असल्याचं बोललं जातंय. 

देशभरात कांदा सर्वसामान्यांना रडवतोय. कांद्याचा प्रश्नावर तोडगा काढण्यासाठी अमित शाह यांनी केंद्रीय मंत्रिगटाची बैठक बोलावली होती. या बैठकीत गृहमंत्री अमित शाह यांच्यासोबत केंद्रीय मंत्री रामविलास पासवान आणि नरेंद्रसिंह तोमर हे देखील उपस्थित होते.

महत्त्वाची बातमी :  महिलांचं WhatsApp स्टेटस पाहणाऱ्यांनो सावधान, पोलिस ठोकतील तुम्हाला बेड्या

कांद्यामुळे सर्वसामान्यांच्या डोळ्यात पाणी आलंय. कांद्यांनं इतका उच्चांकी दर गाठलाय की कांद्याच्या दरापुढे फळांचे दर कमी वाटू लागलेत. घाऊक बाजारात कांदा 130 रुपये किलो तर किरकोळ बाजारात कांदा 170 रुपये किलो झालाय. घाऊक बाजारातील कांद्याची आवक पुन्हा घटण्यास सुरुवात झालीय. त्याचा परिणाम कांद्याच्या दरावर दिसू लागलाय. एकीकडे कांदा 100 पार गेलाय तर दुसरीकडे फळांची किंमत 40 ते 52 रुपये आहे.

WebTitle : meeting called by amit shah related to onion price hike is over