मुंबई - वरळी येथील जंम्बो कोव्हिड केंद्रात कामगार पुरविण्याचे कंत्राट महापौर किशोरी पेडणेकर यांच्या मुलाच्या कंपनीला मिळाले असल्याचा आरोप करत मनसेने महापौरांच्या राजीनाम्याची मागणी केली होती.या प्रकाराबाबत लोकायुक्तांबरोबर मुख्यमंत्री उध्दव ठाकरे यांच्याकडेही तक्रार करणार असल्याचे आज मनसेचे नेते संदिप देशपांडे यांनी म्हटलं होतं. किशोरी पेडणेकर यांनी हे आरोप फेटाळून लावले होते. महापौर किशोरी पेडणेकर यांनी आपल्या पदाचा गैरवापर करत स्वत:च्या मुलाच्या कंपनीला कोविड सेंटरचं काम मिळवून दिलं. त्यामुळे नैतिक जबाबदारी स्विकारुन महापौरांनी आपल्या पदाचा ताबडतोब राजीनामा द्यावा अशी मागणी संदीप देशपांडे यांनी केली. त्यावर महापौरांनी आरोपांचं खंडन केलं होतं. तरीदेखील याप्रकरणी मनसेने आपला आक्रमक पवित्रा सोडलेला नाही. आता मनसेचे संतोष धूरी यांनी महापौरांवर निशाना साधला आहे.
मनसे नेते संतोष धूरी यांनी महापौरांच्या मुलाला कंत्राट देण्याबाबत एक ट्वीट केलं आहे. त्यात त्यांनी म्हटलं आहे की, 'मी, माझं आणि मलाच, आई बबड्यासाठी एवढं तर करणारच'
मनसे नेते संदीप देशपांडे यांच्या नंतर संतोष धूरी यांनीही महापौरांच्या मुलाला कंत्राट दिल्याने निशाना साधला आहे. त्यांनी #ResignMumbaiMayor असा हॅशटॅग वापरत महापौरांनी राजीनामा देण्याच्या भूमीकेवर ठाम असल्याचे स्पष्ट केले आहे. देशपांडे यांच्या टीकेनंतर याप्रकरणाचे पडसाद हळुहळु पडायला लागले आहेत.
या आधी देखील संदीप देशपांडे यांनी ''महापौरांच्या मुलाला कंत्राट मिळणे गैर नाही पण महापौरांच्या मुलालाच कंत्राट मिळणे गैर '' असेही म्हटले होते.
----------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.