नवी मुंबई : शोरूममधून ट्रायलसाठी बाहेर काढण्यात आलेल्या नव्या कोऱ्या बीएमडब्ल्यू कारला आग लागल्याची घटना मंगळवारी (ता. 25) सकाळी सायन-पनवेल मार्गावरील सीबीडी बेलापूरच्या खिंडीत घडली. कार चालवणाऱ्या मॅकेनिकने वेळीच कारमधून बाहेर पळ काढल्याने तो बचावला. घटनेनंतर त्वरितच अग्निशमन दलाच्या जवानांनी घटनास्थळी धाव घेत 15 मिनिटांत आग आटोक्‍यात आणली.
नेरूळच्या शिरवणे भागात बीएमडब्ल्यू कारचे इन्फिनिटी हे शोरूम आहे. या शोरूममधील एका मॅकेनिकने मंगळवारी सकाळी शोरूममधील नवी कोरी बीएमडब्ल्यू कार ट्रायलसाठी बाहेर काढली होती. या वेळी मॅकेनिक सदर कार घेऊन सायन-पनवेल मार्गावरून ट्रायलसाठी पनवेलच्या दिशेन जात होता.
या वेळी उरण फाटा येथील उड्डाणपुलावरून गाडी बेलापूर खिंडीत आली असताना, अचानक कारमधून धूर येऊ लागला. त्यामुळे मॅकेनिकने कार रस्त्याच्या बाजूला उभी करत बाहेर धाव घेतली. त्यानंतर अचानक कारने पेट घेतला. सीबीडी पोलिसांनी या घटनेची नोंद केली असून शॉर्टसर्किटमुळे कारने पेट घेतल्याचे प्राथमिक तपासात समोर आले असले, तरी नेमके कारण शोधण्यासाठी वाहतूक विभागाकडून कारची तपासणी केली जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.