Palghar Crime: मोखाडा पोलिसांच्या नाकाबंदीत, संशयित स्कॉर्पिओ गाडीला थांबवण्याचा प्रयत्न केला असता, चालकाने बॅरॅकेटस ऊडवुन पळ काढला. पोलीसांनी फिल्मी स्टाईल पाठलाग करून गाडी पकडली. या गाडीत सहा जनावरे कोंबुन, कत्तलीसाठी नेत असल्याचे आढळून आले आहे.

यावेळी गाडीतील एकाने पोलिसांवर हल्ला करण्याचा प्रयत्न केला, मात्र, पोलिसांनी सर्तकता दाखवत गाडीसह तीन आरोपींना ताब्यात घेत त्यांच्या मुसक्या आवळल्या आहेत. मोखाडा पोलीसांच्या माहितीनुसार, पोलिस अधिक्षक बाळासाहेब पाटील यांच्या आदेशानुसार, मोखाडा पोलीस ठाण्याचे सहाय्यक पोलीस निरीक्षक प्रदिप गिते यांनी ऑपरेशन ऑल आऊट आणि नाकाबंदी सुरू केली आहे.

मोखाड्यात गुरूवारी पहाटे  4  वाजता नाकाबंदी सुरू असताना, संशयित सफेद स्कॉर्पिओ गाडी पोलीसांनी थांबवण्याचा प्रयत्न केला. त्यावेळी चालकाने बॅरॅकेटस ऊडवुन तेथुन गाडी घेऊन सुसाट पळ काढला.  पोलीसांनी  4  किलोमीटर फिल्मी स्टाईल पाठलाग करून ही गाडी पकडली. या गाडीत सहा जनावरे कोंबुन भरल्याचे तसेच तीन ईसम आढळून आले आहे. ही जनावरे कत्तलीसाठी नेण्यात येत होती. 

             या कारवाई दरम्यान गाडीतील एकाने पोलीसांवर हल्ला करण्याचा प्रयत्न केला. मात्र, पोलीसांनी शिताफीने मोहम्मद शेख, हुसेन शेख, आणि रझ्झाक शेख या तीन जणांना ताब्यात घेतले आहे. तसेच वाहनासह सुमारे  4  लाख  35  हजाराचा मुद्देमाल जप्त केला आहे. सदरची कारवाई पोलीस उपनिरीक्षक संजय भुसाळ, हवालदार मोंढे आणि शिपाई बाळु भोये यांनी केली आहे.