खालापूर : दीड वर्षांपूर्वीचे जुने भांडण (old quarrel issue) उकरून एकाला बेदम मारहाण करण्याची घटना डोणवत गावच्या हद्दीत घडली आहे. याबाबत खालापूर पोलिस ठाण्यात (Khalapur Police station) गुन्हा दाखल (Police fir filed) करण्यात आला आहे. जगदीश विलास आगिवले (वय २७, रा. नांवढै, खालापूर) हा शुक्रवारी रात्री गायत्री गारवा हॉटेलमध्ये जेवण करून बाहेर रस्त्यावर आला असताना सागर पवार, विशाल चव्हाण, आशीष चव्हाण (तिघे रा. डोणवत), देवा राठोड, विशाल भगवान मोहिते आणि संतोष (तिघे रा. शिळफाटा, खोपोली) यांनी मागील भांडणाचा राग मनात धरून त्याला लोखंडी रॉड व लाकडी दांडक्याने डोक्यात जोरात फटका मारला.

यानंतर जखमी जगदीशला हाताबुक्क्याने मारहाण मारहाण करून ठार मारण्याचा प्रयत्न केला. या प्रकरणी सहा जणांविरोधात जगदीश यांनी खालापूर पोलिस ठाण्यात तक्रार नोंदवली आहे. सदर गुन्ह्यातील आरोपी आशीष चव्हाण आणि विशाल मोहिते यांना शनिवारी अटक करण्यात आली आहे. इतर आरोपी फरारी असून अधिक तपास सहायक पोलिस निरीक्षक एस. कराड हे करीत आहेत.