ठाणे : जिल्ह्यात दिवसेंदिवस कोरोनाचा वाढता प्रादुर्भाव लक्षात घेता जिल्हा परिषदेने जिल्हयातील क्षेत्र सीमांकित करून प्रतिबंधित क्षेत्र म्हणून जाहीर केले आहे. ठाणे जिल्हयातील सर्व 6 महापालिका, 2 नगर परिषदा, 2 नगरपंचायती तसेच ग्रामीण भागासाठी हे प्रतिबंधित क्षेत्र जाहीर करण्यात आले आहे. 17, एप्रिल 2020 च्या अधिसूचनेतील परिच्छेद क्र.3 (i) व (ii) मध्ये दिलेल्या निर्देशानुसार ठाणे जिल्ह्यात जिल्हाधिकारी राजेश नार्वेकर यांनी याबाबतचे आदेश दिले.
उपरोक्त प्रतिबंधित क्षेत्रामध्ये 17 एप्रिल, 2020 रोजी शासन लॉकडाऊन आदेशामध्ये नमूद केलेल्या सवलती लागु राहणार नाहीत. या बाबींवर सद्यस्थितीत अंमलात असलेले प्रतिबंध लागु राहतील. या सर्वाची तंतोतंत अंमलबजावणी करण्याचे आदेश जिल्हाधिकाऱ्यांनी दिले आहेत. तसेच अंमलबजावणी करण्यास संबंधीतांनी टाळाटाळ केल्यास किंवा विरोध दर्शविल्यास संबंधीतांवर आपत्ती व्यवस्थापन अधिनियम, 2005 मधील कलम 51 व 56, भारतीय साथ रोग नियंत्रण अधिनियम, 1897 व भारतीय दंड संहिता, (45 ऑफ 1860) कलम 188 या सर्वांनुसार दंडनीय व कायदेशीर कारवाई करण्यात येईल असा इशाराही नार्वेकर यांनी दिला आहे.
प्रतिबंधित क्षेत्र
ठाणे, नवी मुंबई, मिरा-भाईंदर, भिवंडी, उल्हासनगर व कल्याण-डोंबिवली महानगरपालिकेचे संपूर्ण क्षेत्र प्रतिबंधित क्षेत्र म्हणून जाहिर करण्यात आले आहे. तसेच अंबरनाथ व कुळगांव-बदलापूर नगरपरिषदेचे संपूर्ण क्षेत्र, शहापूर, मुरबाड नगरपंचायतीचे संपूर्ण क्षेत्र देखील प्रचिबंधित क्षेत्र म्हणून जाहिर कऱण्यात आले आहे. याशिवाय ठाणे जिल्हा परिषदेचे संपूर्ण क्षेत्राचा (ठाणे ग्रामीण) देखील प्रतिबंधित क्षेत्रात समावेश करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.