मुंबई: दादर रेल्वेस्थानकाजवळून दोन महिन्यांच्या बाळाची चोरी झाल्याची घटना उघड झाली असून, शिवाजी पार्क पोलिस ठाण्यात एक महिला व तिच्या साथीदाराविरोधात अपहरणाचा गुन्हा दाखल झाला आहे. पोलिसांनी सीसी टीव्ही कॅमेऱ्यांतील चित्रीकरण आणि समाजमाध्यमांच्या मदतीने आरोपींची ओळख पटवली आहे. आरोपी महिला अनेक दिवसांपासून पाळत ठेवल्यानंतर बाळाचे अपहरण करून हरियानाला पळाल्याचे पोलिसांनी सांगितले.

महत्वाचं - ग्राहक संरक्षण कायद्यात दुरूस्ती करा.

मूळच्या वासिंद येथील रहिवासी असलेल्या पूजा अनिल भोसले (२५) कुटुंबीयांसमवेत दादर स्थानकाजवळ भाजीपाला विकतात. दोन महिन्यांचा मुलगा रोशन, आई, वडील व अन्य कुटुंबीयांसह त्या स्थानकाबाहेर पदपथावरच राहतात. नववर्षानिमित्त त्यांनी २८ डिसेंबरला मुलगा रोशनसाठी नवे कपडे खरेदी केले होते. रोशनला ते कपडे घालून त्यांनी पाळण्यात झोपवले होते.

महत्वाचं - कर्जमाफी बद्दल महाविकासआघाडीची आणखी महत्वाची घोषणा

त्यानंतर २९ डिसेंबरला पहाटे पाहिले असता रोशन पाळण्यात नसल्याचे पूजा यांच्या लक्षात आले. त्यानंतर परिसरात शोध घेऊनही रोशन न सापडल्यामुळे त्यांनी शिवाजी पार्क पोलिसांकडे तक्रार केली. पोलिसांनी सीसी टीव्ही कॅमेऱ्यांतील चित्रीकरणाची तपासणी केली असता एक महिला बाळाला घेऊन जात असल्याचे दिसले. त्यानंतर पोलिसांनी अपहरणाचा गुन्हा दाखल करून तपास सुरू केला.

बाळाच्या कपड्यांवरून आरोपीचा छडा
पूजा भोसले यांनी २८ डिसेंबरला बाळासाठी नवीन कपडे घेतले होते. त्याच दिवशी नवीन कपडे घातलेल्या दोन महिन्यांच्या रोशनचे अपहरण झाले. सीसी टीव्ही चित्रीकरणात बाळाचे पिवळे कपडे स्पष्ट दिसतात. त्यावरूनच आरोपींची माहिती पोलिसांना मिळाली.